هنا

[فقار الكرخي]

تره العنده ظهر بالديره مهيوب..
عكس الماله كلشي وماله أحد..
صوتك ﻻتصرفه إبيت طرشان..
من مايلگه أذان الصوت يرتد..
إبفهاوه شلون يرجع حگ إذا راح..
يموت الحگ إذا مو سالفه وشد..
شكثر مايعله روج الدنيا وياك..
تخوصر لا تهزگ وگفتك سد..
كف ردنك عليهة وجيبهة بزود..
اشحﻻة اللگمة لمن جايه بچد..
خلهة ابفالهة وشاقيهة مرات..
بس وكت المباوس شوفلك خد..
الرساله شما تطول بيها اﻻيام..
ﻻبد مايجيلك وكت بي رد..
على راسي النخيته وصار وياي..
أوگبل درعة الزيج إگبالي لو هد..
يسدون الشمس شگد حاسب اخوان..
بس وكت الشدايد مايظل عد..
حسب ماتحمل إنت ابداخلك ضيم..
يمر الليل كلش لونه أسود..
گلتلك عيني إنت وخوش جازيت..
مو تفگسهة خايب صير مرود..
بدعاء الوالده يفكلك ألف باب..
أبد ماتلگه باب اگبالهة إنسد..
كل عقلك بعد ماترجع اشلون..
بعد شيردهه إذا يم الله تصعد..
وذا ذبت الشيله وصاحت الله..
الله من السمه يذبلهة چرغد..








الشاعر علي السامرائي

[نرجس]

سلمت يداك اخي

مبدع دائما بالأختيار

تحياتي

[ذكريات ٢]

مبدع فقار انتقاء وكتابة شيكرن

[أزل]

شكرا اخي

[فقار الكرخي]

منورين