انا بياحق اوصفك والوصف مردود.
ياهو اللاح خد الشمس بذراعه .
احس شعرك بحر يتلاطم اوي الريح.
يغوص المشط بيه ويختفي اشراعه؟
جبينك مو جبين انشال منه الياء!!
والشامة بوجنتك چنهه دلاعه.
وي عگد الحواجب ينعگد للسان.!
وكلمن گابلك تتخربط اوضاعه.؟؟
بعيونك انجمعت الف ليلة ويوم؟
وكحلهه النهار ابمرود اشعاعه.
وارموشك مصايب والمصيبة تهون.
لاترمش علينه اطيح طرگاعه؟
ودموعك مسيرة وسدت الدربين.
من تزعل اطلابة تصير ومداعه.
وسط وجهك اهلال وشع على العيدين؟
ضواه ايدور مثل الميل بالساعه.
لتمشط ازلوفك واالگلب موزين.
بس ايشوف اذنك راد سماعه.
دحط اذنك بصدري واسمع الاهات .
بياصفحة التحطهه اطيب اوجاعه.
واخدودك محطة ومرتع التعبان .
وهنياله الينام وينطرح ساعه؟
مثلث نار شفتك واللسان اطفاء!
ابوسة ابيا كتر متساوية اضلاعه؟؟
مثل افتح يسمسم ضحكتك يازين.
تتراگص لاليء منه لماعه؟
همساتك اوامر والخلگ خدام.
والسلطان گلك سمعا" وطاعه!
حنچين بوجه ميلوگ ياهو الجان .
فخاتي النور غطت ثلث ترباعه؟؟
والربع الاخير بيالغز معگود!
الجن والنس من عنده تتناعه.
والرگبة زلال وتنبع امن الگاع .
ومن تشرب مجعتك تنچفي بگاعة !؟
تفاحة ذهب من ادم الله انطاك.
دنت روحه عليهه وعايف امتاعه؟؟
لفتاتك حلم واتفزز الاموات.
وراك الموتى كلهه اتگوم فزاعه!!
وميزان الچتاف اموازن الحسنين .
ومعير الگلوب انصاصة وارباعه؟؟؟
وملوك البلچتف بس بالغزل يملون.
حتى الملك بيك امخربطة اطباعه!!!
يل صدرك سفينة وشالت الحملين ..
حملك من يميل ايشگگ اشراعه؟؟
گفاك امراية تتلاصف على الصوبين.
على كرخ ورصافة امواجة سطاعه؟؟
لتراويني چفك من زبد تدريه.
مو تعرفنه فقرة وماكو تجواعه؟
اذا توگف تراث ومتحف الاعجاب .
ومن تگعد تگوم الدنيا بالقاعه؟
على طولك تلوگ وتفتخر ازياء.
خصرك خيط صبري وگلبي مصراعه.
سيقانك سحر واتحرك الاصنام.
لاتنزع نصيحة اگبال شماعه؟؟؟
يل حبك كهف ماطبه اي انسان.
واصحاب الكهف ماناموا بگاعه؟
خطفت اربع ثواني وشفتك بهالحال.
چا شلگة ولك لو دققت ساعه
رد مع اقتباس
