درر العراق

فقار الكرخي · 8/July/2015

يااميرالنحل ذنبي بكد سماي
منين اطب الحظرتك من ياكتر،،
بحظرتك يمنع دخول السافرات
وانه بثيابي وترس ذاتي عهر

ربنا اول ما خلق دنيه الحروف
النقطه اول ما خلق ثم يلي
و علي النقطه التي في البسمله
يعني اول ما خلق ربنا علي
هذا مو يعني انخلق قبل الرسول
الرسول القلم بي كتبو علي
بماي تتوضه الخلگ وكت الصلاه
و من يصلي الماي يتوضه بــ علي

ربي شكرًا جي خلقتنه علي

شارع المابيه
علي لاتمشي بيه
تلگه الله بكبره
مادايرله بال..

ماكو أَكرَم مِن عَلِّي بِهٰذا الوجود
الكَعبَة بِي طلكَت وَجابَت هَل الوَلي
حَتَه نِكطَع دَابِر الشَّك وَالنِقاش
لازِم الكَعبة نسَميها أُم عَلِّي

يا الهي ارد اسألك وعذرني حيل
وما اريدن عني تمنع رحمتك
اشلون حيدر سيدي يوكع ذبيح
وهوه جان ابيتك وبضيافتك

جهال الله اجو عنك علي ايسئلون
دخلهم گبل جبريل للحظرة
وافرشو اعمامتي وخليهم ايگعدون
وكبرلي الصحن خل تأكل الفقرة
واذا شفتو المناير طلعت دخان
گعدت گولو تخبز فاطمة الزهرة

(أّشٍهِقِ أّنِ عٌلَيِّأّ وِلَيِّ أّلَلَهِ )
انه شارط عالنفس
اله انته بي
وكون امووت
ابحبك من المفترظ
هيج اموت وحبك
اسباب الوفاء
هايه والله
يا علي يرادلها حظ

جفك انت ياعلي أمره عجيب
صار للإسلام ياحيدر رمز
ساعه اشوفه بالحرب يكطع ركاب
وساعه اشوفه ياعلي يوزع خبز...

مو يتيم الما عرف أمه وأبوه
بس يتيم الما عرف قدرك علي

علي وﻻيتام ويه انفاسه
وصلت اﻻيتام طبرة راسه
شلگو من طكك رجيم
مچلب براسك يتيم
وين مثلك نلگه بين الساسه
علي ياهو الماخذ من احساسه

علي اليحجي بحظرتك
كون اديه خشنات

مـو رابع بـعـين الـصدگ
انت الامام الاولـي
الـگـاع نـادت والـسمه
لا ولـي الا عـلي

أعمى البصر والعين .. واعمى البصيرة
الميوالي ابو الحسنين .. والذل مصيره

شگد جبان الموت اجالك بالصلاةلو سبع وجه بوجه بس يدري بيك..
انت من ظهرك علي اعدائك تخاف
ياهو هذا بالوجه يكدر يجيك..
يا علي في مدفنك عندي شكوك
صغيرة لن النجف ما اظن تحتويك..
انت ما مدفون ابد بارض النجف
اعتقد هية النجف مدفونة بيك..

منو بعدك علي ينطي المساكين
عيديه منو ينطيها بالعيد
علي مو بس كريم ابهاي موصوف
ولكن علي عمره مايصم ايد
لذلك ياعلي كلنه فقدناك
لإن للحاجه منهو ايكول شتريد
لاموبس نحبك حبنه الك موت
ويوميه الك ياحيدر ايزيد

يبقه اول عالبشر مهما يصير
واليجي بعده نخلي لي وره

مانحطه بصف علي ونكله امام
حتى مانخلي ابد يلزم سره

وكولي الله بعظمته سبحانه كال
غيري اسمج كولي ام اني تره

واليسألج انتي ام من ؟؟؟بفتخار
رفعي صوتج كولي اني ام حيدره

هذا ابن ملجم رفع سيف الردى
وامتلى المحراب من فيض الدمى
بكل ارض لا زلنا نسمع هالصدى
تهدمت والله اركان الهدى

أكل تفاحه طه و خلف الزهراء
أبوطالب شماكل مو دخت بيهه

منو تشرف بالاخر ...
علي لورمضان...
توقيت الشهاده بهل شهر عبره
نسمع بالسنه مره بشهر رمضان
وحيدر كل فريضه المأذنه تذكره
شهر رمضان بي ليلة قدر لا غير
وعلي بيه الحسن وحسين والزهره
مامر يوم حيدر ماذكر مسكين
وشهر رمضان يخلص يا لا الفطره

اليــوم أبن ملجم تمادى
وطــاح بالكعبه ركــــــن
شحال موقفها اليتامــــى
وعلــي حاظنهم حظــــن
و من طاح حيــدر علــــي
صرخـــت الأرض أبحــــزن
و عليـــــــــاه و أمــامــاه
كــــون قبلــك أنــــدفــن

وي طرت الفجـر وتخورس الآذان
وجبـريل ابمجانــة الآذن وكبــر
صاح الله واكبر يا اله الكون
غدروا بالإمام المرتضى حيدر..

عكسكم من احب بالرية ابوحسين
ومن انخاه ابد ميخيب الضنون
واذا فارغ اجة الماعون ليتام
اكتب بي علي رأسآ يشبعون

يهنيال الطيور
اللابده بحوشك
عينك ماغفت
لحضه
يتامه هواي وانت تخاف لايعبر يتيم بطبگة رموشك

اني حقي افتخر بّـ اسم الامير
وغير حيدر ابد ماعندي ولي
اني لو.....رب العرش رازقني بنين
عشرة من ولدي اسميهم ‫‏علي‬