بطا اعليهم اونشدو واعلمو بالصار
اوگالو مو يتامه اوهسه يتمنه
گلوله الطبر كافلنه ما نبريه
حتى احضون اهلنا مو مثل حضنه
جبناله اوطبيب الوصف الجبناه
خلي ايگوم يشرب ياهو بعده النه
گلوله اليتامه ادك عليك الباب
لو يدري اليتامه ما تعذرنه
ذول اهنا نظل يم ريحته انام
وذا نيته الفراگ اوياه ياخذنه
................................
ابونه اوظيم ما شفنه مُنا الّنه
نلنه اولولا مافيــــك ما نلنه
تريد اتروح ياحيــدر مَنّ النه
وين اتروح نترافگ سويه