قسيم الجنة والنار
قسيم الجنة والنار
ـــــــــــــــــــــــــ ـــ
گلي شكتبلك شعر وانت الأمير
الصفّن الدنيــه وملك حتى الزمن
ارد اوصفك سيدي واسأل سؤال
شلون الگه حروف زينه ايوصفن
يا وليد الكعبه يا شمس النهار
الصفات الزينه بس يمـــــك اجن
يا ابو الانبل شهيد ابهالوجود
ويا زوج بنت الرسول ام الحسن
يا قسيم النار والجنه الصدوق
الخيّب احــلام الطغاة اهل الفتن
انت آيه ومعجزه وسيف وكتاب
وذني عـــــد غيرك ابد ما يلتگن
انت سيف الله يا سيف الفقار
والسيوف اگبال سيفك دنـــــگن
الوثن رادك تجيه خايف ذليل
وشكو بيك اوصاف كلهن ينمحن
وطالت المده وكثر بيها الطراد
وتالي گدامك اجه امدنگ الوثن
*** *** ***
الايام هواي بس يومك عجيب
انثلم بيه الكـفر واليطفن ضون
والسيوف الحاقده ابدر وحنين
اليوم مـن سيفك ذليلات استحن
يا هو مثلك سيدي فحل الفحول
السيوف الباشطه يحضنه غفن
ياهو مثلك سيدي والـــد تراب
والتراب بحضنه مدوه واندفن
ياهو مثلك سيدي داحي الباب
وياهو مثلك روحه قدمها ثمن
ياهو مثلك سيدي باب الرجاء
ايشيل ذو الفقار ويشد الرسن
ومن طحت مبخوت في وكت السجود
الگـــاع گبلك سيدي لبست چفن
*** **** ***
ياهو مثلك سيدي انشقله الجدار
وياهو مثلك طلگت بيومه السمه
ياهو مثلك سيدي خوّف جيوش
ولاذت ابسده الجيوش امحزّمه
ياهو مثلك سيدي تاج الرجال
وعابـر الكلفات وكت الحاسمه
ياهو مثلك واگف بطوله الشريف
يحدد الحگ عالتراب ويرسمه
احنه من غيرك ولا يمكن نصير
ويمكن بغيــرك شمسنه املثمه
انت بس انت علي وغيرك محال
ايصير وانسميه حماّي الحمه
لأن سيفك سيدي خيمة مـــلاذ
وچف قبضتك بالشدايد فاطمه
*** *** ***
رادو ايطبون صحنك يا إمام
ورادو اينگســـــون واللّه تربتك
همه يدرونك علي صاحب ذو الفقار
وقصفوا بدباباتهم ظل حضرتك
اليهود انجاس وامريكا الحضيض
وما اظن ينسون ضربة قبضتك
مرحب الهسه تنز منّه الجراح
وخيبر ابلا بــاب ينــطر جيتك
عمربن ود العامري ماهزهزاك
ولاجيوش الكفـــر لحظه هزتك
ياهو اليصدّگ قنابلهم تجيك
وحاشى يا مولاي تخذل شيعتك
انت ابو الحملات حماي الدخيل
وگبـــل سيفك حاربتـــهم گبتك
جبار فرحان العكيلي
رد مع اقتباس
