هنا

[فقار الكرخي]

علي إيتام إحنه وتبچي دم العين
دلينه بغيابك نلگه مثلك وين
واحدنه ابفگد إمه وإبو مكبوت
صعبه اعلينه نحچي وإنت بالتابوت
مو عندك ايتام شلون هسه اتموت
إگعد ياعلي بداعت حسن وحسين
يالويانه درب العوز تتمشه
ماتاكل چنت إله احنه نتعشه
هسه اخلاف عينك صارت الوحشه
إگعد ياعلي بداعت حسن وحسين
شلون السيف طابر يا أبونه الهام
چنه احنه بوجودك ما نحس إيتام
تمسح روسنه الحد ما نچل ونام
إگعد ياعلي بداعت حسن وحسين
ايتام وگلبنه امنلحزن مجمور
إول يوم فگدك جعنه يالمطبور
صيام وإجينه ومالگينه افطور
إگعد ياعلي بداعت حسن وحسين
زينب والحسن وحسين ذوله اهناه
ويانه يحيدر يصرخون الإه
فگدك مو سهل يابو الحسن والله
إگعد ياعلي بداعت حسن وحسين





الشاعر
احسان القريشي

[مشاعر بريئه]

السﻻم على سيدي وموﻻي وعظم الله اجورنا واجوركم بذكرى استشهاد ابو اليتامى واسد الله الغالب
موﻻي امير المؤمنين عليه السﻻم
قصيده جميله احسنت الانتقاء اخي
سلمت

[فقار الكرخي]

نورتي الموضوع

[فقار الكرخي]

اليوم مذبوح الورد والكل تنوح
والنده ضل ينعه حيدر هالمسه
واليتامه امهدله وتلطم عليك
اخ صاحت والوكت كلش قسه
هامة القران مطبوره وتلوي
وسيف ابن ملج أبآيتك رسه