هنا

[فقار الكرخي]

علي مو من فراغ براسه شگوه
لعلي محسوب كلشي بكل كياسه
محمد جان ساكن راس ابو حسين
اذا كتلو علي ايموت البراسه
علي لله الخليفه مو للفلوس
ولا للهيبه حيدر كض رئاسه
اذا بنادم شريف بذهب ينقاس
واذا يسوه الذهب حيدر قياسه
علي بحل المهد وتهابه شجعان
ابو طالب وزايد بالفراسه
ماصله لصنم لا طاوع ابليس
علي بالكعبه ساجد من اساسه
درع جان لمحمد وكت السيوف
ويخزر الليل يگعد للحراسه
علي صح انطبر بس نية السيف
يقبل الراس لكن جرحه باسه
مو بس اليتيم اليعطف وياه
ابن ملجم يعرفه وماهو جاسه
علي ماهاب جرحه وهايب انگول
علي ايخوف المصايب بالشراسه
رادو گطع راسك بس يحلمون
سيفك غير يلهث من حماسه
تانو لله توگف جنك تموت
علي گلبك يصلي وينسه ناسه
خلسه تصوبت يالفايز تصيح
وابن ملجم تخردل بختلاسه
علي الحبك وحقك يسكن الضوء
واليكرهك علي ايعيش بنجاسه










علي كاظم الصبيحاوي

[Ćat]

السلام على خليفه رسول الله ووصيه

قصيده رائعه
شكرا للنقل

[الطالبة]

السلام ع امير المؤمنين علي علية السلام

[حہيہدر الہبغہداديہ]

من احجي واسولف بسم ابو الحسنين
ارتاح واحس يطيبن انفاســـــــــــــــي
بأنفاسي اشمن ريحـــــــة الكــــــرار
والهذا السبب ما نزلت راســــــــــــي

[ملكة قلبه]

تجننننن

[فقار الكرخي]

نورتو الموضوع

[ولاية علي]

قصيده رائعة
عظم الله لنا ولكم الاجر

[♥^_قمر زماني _^♥]

قصيدة جميلة
شكراا لك
وعظم الله أجورنا وأجوركم

[حفيدة حمورابي]

عاشت اناملك

[ملگهہ لآيهہتزلهآعرش❀]

عظم الله أجورنا واجوركم باستشهاد أبا اليتامى