السلام عليكم
بالنسبه لموضوع القصيده الي حذفته المراقبه ليديا
والي هي حسب ما تكول انه يمس احد الرموز الدينيه وان الموضوع مس طائفته هي ..
فاني ما اعرف اذا المدير او المراقبين او حته الاعضاء ما شافوا الهمسات الي دارت بين المراقبه وبين الاخ اسد الهاشمي ..واذا الاخ اسد الهاشمي تكول تجاوز عل طائفته فهي تجاوزت عل طائفتنه احنه وبكلام بذئ جدا وغير مقبول وهذا واضح جدا بالهمسات ولا يجيني واحد يكول اني ما شفت الهمسات سواء مدير او مراقب او اي عضو اني دخلت وشفت الصور مال الهمسات وحفظتهن بالجهاز وهذني الصور خلي كل الدرر تشوف وخلي الكل يحجي الحق
..
والاخ حظرتوا لان شفتوا اتكلم بطائفيه وما شفتوا المراقبه من شتمت طائفه كامله ومحد حاجاهه ..
ليش القانون مالتكم ما يطبق عل الكل لو القوانين الي وضعتوهه طبقونه بس الاعضاء والمراقبين لا ..
العضو يخطئ بس المراقب والاداري وحته المدير معصوم ما يخطئ ...
اذا كانت الاداره عادله صدك وتطبق القوانين فخلي تطبق قوانينه عل الكل مو عل ناس وناس ...
فالمفروض من الاداره اما تحظر الطرفين او تبقي الطرفين وتنطيهم تنبيه لان اذا اعتبروا الموضوع بي مس لطائفه معينه فهي المراقبه هم تجاوزت عل طائفه ثانيه ...
اني تعلمت هواي اشياء بحياتي بس اكثر شي تعلمته بحياتي ما اسكت عن الحق والساكت عن الحق شيطان اخرس ...والحق اكوله لو عل كص ركبتي ...
وهذا موقفكم ذكرني بالساسه مال العراق الي هسه يحكمونه والي حكمونه سابقا شنو فرقكم عنهم انتم هم القوانين تطبق عل ناس وما تطبق عل الناس الاخرين( بالسياسه القوانين تطبق بس عل الفقراء وانتم قوانينكم تطبقونه بس الاعضاء )..
لشوكت راح نبقه هيج ما ادري والله ..
الظاهر احنه شعب يصنع الدكتاتوريه مو بس بالسياسه حته بالمواقع الاكترونيه انتقل هالشي ..
اني هذا رأيي والكلام موجه للكل من المدير للأعضاء واليحب يجي يناقش ويتفاهم مو يغلق ويحظر ...
خل نتعلم ثقافة الحوار ونوصل لحل الخلافات بصوره صحيحه ما نظل العمر كله بس خربطه بخربطه ..
لشوكت راح نوعى هذا الكلام ما اعرف ..
واليريد يغلق الموضوع خلي يغلقه واذا يريد يحظرني هم خلي يحظرني ما اهتم ولا عندي شي اخسره ..
المهم عندي انطيت رأيي وحجيت الحق والحمد لله
بس قوانينكم طبقوهه عل الكل ولا تنحازون لشخص ما ..وشكرا لاستماعكم وعذرا للأطاله
*************
بواسطة Samer
ردي الرسمي في هذا الرابط
المشاركة الأصلية كتبت بواسطة كات
