من الأول جنـت خايف
..............................
من الأول جنـت خايف ....... كَلـت راح اويــاي تغلـط
كَلت راح اتروح هيج وهيج ،.... مـا تثـبت على الخط
آنا أدري الكَلبـه يلعـــب .....بآمتحان الشوك يسـقط
هسّه أنت آكَبـال عيني ......آتكَــــول بنيادم آمحنّـط
ما شفتني آبعين وسعه ولا كَلت لي اشبيك تنحـط
صايـر آبغينك زغيْـر ،.... آتشوف وجهي آبعين مخيط
اويـاي كَـاضـيها آبكَشــر رمّـــــــان ولغيـري المفـرَّط
مــــارد آكَـليبي مــــرد كـرّاه .،..... والنـوب آتّشـرّط
وتزعل ،. ويا خيـبة العطشان من يزعل على الشط
واكحتني وكَلــت ذيـــج وهـــاي ،.. والناس آتّصنّـط
ما عرفـــت المسـتحـه ولا من جبـيـنك مــاي نكَّـط
يا دغـش ، يا أجمل المابـيك بس جــذب المصــفّـط
أنــت مــو اول كَلـــب مـدغـوش بيْــه كَلبي آيتـورّط
وآنـت مـو أول حبيب الدكَلي صـــدره وتالي زغلــط
يامـا هبّـت ريـــح وآهتـز الشجــر ، والــطار ماحــط
وهيّه ركضه آعلى الرمل والما يدفعه الشوك يفحط
وهوّ ملعـب ، والأصيل آشما عـرك بالركـض ينشـط
وهيّـه خـورة ماي دهله ، وبيها حظك محبس وغط
عبد الكريم القصاب
رد مع اقتباس
