كصيبه ومال بنت شيوخ
اذا مريت
أفلسلك حچي يشهي
شرط من عنده ما ضايگ
ولا مگيول
مرني وشوف
لحچيلك سوالف ليل
ما مطروقه صدگني
كبرنه هواااااي عالـ
ورده
و أحبك موت
مشتاگين
لا والمنها أقدم حيل .. أروحن فدوه أنه لهالطول
ذني هواي صارلهن
عتگن
لحد ما تاخن
تعال و شوف شحچيلك
إذا مريت
إنته و أمي نفس اللون
چفها هواي ينطيلك شبه لو جيت
بيكم ترد عافيتي ......... صار هواي من راحت
تعال وجَيِتك سيد
أحسها إتطَيِب المشلول
حسنك منه ما شايف
كصيبه ومال بنت شيوخ
ما شمها الهوه الطاير
تعال والله من تفوت ... أضل بخطوتك حاير
أتوضه من أشوفك جاي بدموعي
و أصليلك صلاة الشوگ
وأضل أتوسل بربي
يربي أرجوك أبات هنا
ولفي و هسه طب منا
ترك جدمه أثر خلفه
ونه واحد فقير هواي روحه رويحة العاگر
تعال شبيك
بيه إكسب أجر مرني
بدل ما تكسر الخاطر
ثق من أمشي بين الناس عالكمكاش
أكمكش خطوتي من أمشي
عندي عيون بس عافتني يم الباب
خبله مسودنتني هواي
لجلك نَصُبَت چادر
لهسه وداعتك منصوب
ما مفلول
صار هوااااااااااي .... يمكن صار فد نهرين
لا يمكن بعد أكثر ... يمكن صار ست ونين
تعال شبيك
لتدزلي بعد اعذار
منك اي عذر مرفوض ما مقبول
تعال والله اذا مريت
أفلسلك حچي يشهي
شرط من عنده ما ضايگ و لا مگيول
محمد البلداوي
رد مع اقتباس
