هاك أخذ وإسمع وفه أصحاب الشهيد
إشسـجّل التـاريخ إلهم من حميد
* * * * *
عالبسـيطة ما يصـح إلـهم نظير
ومثـل وگفتهم فـلا صار ويصير

بـدر وحنين وبسوس ويّه الهرير
إتكوّرت بالطف على حسين العجيد
* * * * *
شــافوا إتـكاثر الجيش إتباشروا
ولا تــظن عن العقيـده إتزلزلوا

هـزو المسـكون كله من إهجموا
جنـدلوا فرسـانها فوگ الصـعيد
* * * * *
شــرعوا برمـاحهم يتنـادبون
والكـلايف يالـمحب عدهم تهون

طفـحت إگلوب الكتايب والعيون
شـخصت إو بالفارّه إنترست البيد
* * * * *
چالأسد واحدهم إو يخسه الأسد
عـنهم إيـطربون يوم المـنطرد

إوگفوّا دون الخيم والمظلوم سَدْ
منـع واسـكندر على سَـدّه يزيد
* * * * *
شمروا إگلوب الأجسام إعله الدروع
ولا تگف بوجـوهم كثرة إجموع

للسيوف إمن إهجموّا فكوا البوع
إتعانگوّا ويّه الضبا إمعانگ الغيد
* * * * *
چني أنظر من وگف يخطب حبيب
عالبعد ينسـمع صوته والجريب

إبسـاعة البيها الطفل گلبه يشيب
بالأنصار وصفّت وصار إلها ويد
* * * * *
مسـلم ينادي حـبيب ويا زهير
وعابس وكل صحبته إوياهم برير

اليوم بلشاش العده نشبع الطير
لجل أبو اليمه نضحي إشما يريد
* * * * *
لا تظن واحد رجف منّه گـلب
من يطب للكون يطرب عالحرب

چالنجوم إتساگطوّا فوگ الترب
دون ســيدهم المـابايع يـزيد
* * * * *
وگف يرثيهم شبل حامي الحمه
يالنشـامه يالحـويتوا الغــانمه

وكل أهل بيتي يهالي المكرمه
عالأثـر وأبـگه بلا ناصر وحيد منقول