تاجر البندقية
هاي القصة لوليم شكسبير .. شفت انه لازم تنشرح باللهجة المحلية (العامية) حتى تترسخ القصة بالمخيخ ويفتهم الطالب اللي هو (دجة بالانكليزي) والي خابص العالم يكول بس الميرجنت مدمرني بس الميرجنت صعب..
ففكرنه انه لازم اندخل هاي القصة بالدماغ عن طريق شرحها باللغة العامية
طبعاً القصة متصورة على شكل فلم واحنه اخذنه القصة من الفلم اكثر من الموجود بالمنهج.. فراح تشوفون عبارات دارجة بحياتنه اليومية.. لإضافة الحس الفكاهي على الموضوع وحتى القلق النفسي الي يراقف الطالب هم يخف.. بس بشرط بسيط ان الموضوع للنصب والشقه يعني من تحفظة وتكتبه نصاً بالامتحان.. يعني يركعوك بصفر وانت الممنون..
هاي جانت المقدمة، هسه نجي نحجي القصة، قصه لو كصه؟.. كصه برغل,,,
(انطونيو) اللي هو يمثل الخير: انطونيو جان فرد واحد غني وابن ناس معروف حباب جانت الاوادم تحبه لان هو خوش زلمه.. يتعامل زين وينطي ديون للناس بدون فوائد بوكت الضيق..
صديقه اللي هو عزيز عليه اسمه (بسانيو) الي هو ولد حليو كل بنات المنطقة كاتلين نفسهم عليه.. عنده خط (زين.. اثير سابقاً) مفتاح واحد وموبايل صرصور تك باب ومطور ايراني اربعة گير.
چان انطونيو يحب بسانيو وشوكت ما يضوج بس يباوع بچهرة بسانيو تنفرد روحة تکول شاف اليسا.
بسانيو: ابوه انطاكم عمرة فچان عنده چم فلس حوسمهم بسانيو وصرفهن بكارتات بعد الـ12 بالليل وسفرة لسوريا ويعني فلسهن منا ومنا.. وطاح حظة.. فشوكت ما چان يعوز فلوس چان يروح للمگرود انطونيو يداين وانطونيو لأن خوش زلمه ما چان يريده.. (هيچي بشر لو متنراد)..
(شايلوك) الي يمثل الشر: شايلوك حشاكم واحد كلب ابن 16 كلب حقير مكروه العالم كلها حشاكم تتفل عليه يعني الله گالب چهرته مسوي قرد هندي وفوگاها يهودي. هذا شايلوك چان واحد قفـّاص اكشر ينطي فلوس للوادم بفوائد كلش چبيرة بحيث صار لغاف مو تبيعي ولا واحد يوگفه يبوگ ويرجع ليوره وسوّه الثروة مالته بالحواسم.
شايلوك چان يكره انطونيو.. لأن چان انطونيو ينطي فليسات للأوادم يدون فوائد عكس شايلوك فچان يكرهه كلش هوايه وثاني شي چان انطونيو كلما يشوف چهرتة يرگعه بتفله بگصته وهو الممنون.
سولاريو وسولانيو ولورينزو وكراشيانو: بس لو افتهم منين يخلفون هلأسماء: المهم چانوا اصدقاء انطونيو فرد يوم من الأيام دخلوا سولاريو وسولانيو على انطونيو شافوه مگلوبة چهرته ومعبّس وفاقل من الرئيسي ميتحاچه فعبالهم الأخ واگع بالحب وهو بگد التمرمز، شکول حب.. هذا حب شمس هواية عليه..
لو عبالهم هو خايف على السفن مالته تگول مشغل بهبهانات على طريق سوريا {gms} فحاولوا يواسوه و اجه کراشيانو ولورينزو.. گلوله امشي خل نروح للشلال نشرب نرگيلة فرد شي فرد عصير بطيخ، ما قبل .. گلوله خليها على الله وداعت خالتك ماكو شي يسوة.. هم ما راتاح.
چان يطب بسانيو تگول طبت عليه نانسي عجرم.. چان هذا ينفرد وجه.
فرد يوم من الايام بسانيو راد فلوس من انطونيو (فرد 3000 دولار) حتى يصير بگد خاطبي پورشيا.
انطونيو المگرود خطيه ما چان عنده فلوس بوكتها.. فگله روح للوادم بره واداين منهم وگللهم على انطونيو كضمان.
بعدين انطونيو اقترح گال نروح نداين من الگلب حشاكم شايلوك 3000 دولار الي يحتاجهن بسانيو..
فراحوله الثنين وطبوله .. الله يساعدك شايلوك
شايلوك: لاهلة ولا مرحبه .,, شجابكم
انطونيو: ابن الكب هو هيجي يحاچون الضيوف..
شايلوك: ملعون الوالدين هم ابيتي وهم تغلط .. بشرفي اگطعك
بسانيو: يعود انطونيو ابو الغيرة هم صاعد بالسطح وهم ادبچ و نريد نداين هسه يطلعلنه بالقنادر دسكت رحمة لروح المرحومة.
شايلوك: سولفلي شتردون؟
انطونيو: شوف شايلوك.. احنه جايين نريد ندّاين منك 3000 دولار منا لـ3 اشهر.. واني مسؤول انطيك شگد تريد فوائد.
شايلوك: انت شايف كلب يداين 3000$ متگلي صايرة دايرة.. لو تريد تداين فوك ما تغلط 24 ساعه عليه
انطونيو: شوف اني يمكن اتفل بوجهك اي.. اصيحلك كلب هم اي،، بس هسه نريد منك 3000 دولار تنطينه لو نولي؟
شايلوك: گال ويه نفسه: بشرفه فرصة (فرصة خبز) اجتي لحلگك شايلوك.. خوش فرصة تحرك صفحة صفحات انطونيو ولازم انتقم لنفسي فگال:
شوفوا اني اريد اصير صديق ماريد عدو بس عندي شروط:
اول شي: اني ما اريد منكم فوائد.. وثاني شي: اذا المحروس انطونيو مارجع الفلوس بعد 3 اشهر ابوه اسمطه. خوش؟.. اخذلي كيلو لحم من جسمه (اي ادري قابل لحم شرح لو مثروم) المهم.. چان انگونيو يگول يمعود صدگ چذب اصلاً هاي فرد شي بسيط من فلوسي منا لـ3 اشهر مية شغلة تصير ولا محتاج لهذا العقد الفاشل مالتك.
بسانيو باگ هوه گال هذا الحقير يريد يأذي انطونيو بس انطونيو بس انطونيو گله لتهتم .. دخذ الفلوس وفضني.
بورشيا: أميرة مدينة بلمونت
بورشيا چانت فرد وصلة كلش حلوة وكلش صاكه.. احلى البنات، احلى من مي عز الدين، چانت تستخدم (كلين اند كلير) كل يوم وواقي مال شمس.. وسبتاج يعني طالعة تخبل ومنزلة البرجة على عيونة ومسويه كاريه.. يعني صدق تخبل..
نيريسا: الخدامة مالت بورشيا الحلوة.
بورشيا چانت تعبانه ولعبانه نفسها من الدنيا كلها لأنها خطيه متگدر تختار الزوج اللي تحبه وترفض اللي متريده.
لأن ابوها المرحوم حط وصية قبل ما الله ياخذ امانته.. الوصية مالته عبارة عن خطة يانصيب هاي الخطة تساعد پورشيا حتى تتزوج الانسان المناسب.. (خوش بطة تلعب شناو)
الخطة عبارة عن 3 صناديق سفن كوفة، كل صندوق عبارة عن لون معين (ذهبي وفضي ورصاص) بوحده من هذني الصناديق صورة بورشيا ووحدة بيها لفة فلافل ووحدة بيها بطل سفن حجم عائلي ابو اللترين.
فوگ هذا القهر چان حاط شرطين للي يريد يلعب باليانصيب.
الأولى: لازم يقسم بالمعتقدات ويسيطر 12 امام انه بعد ميتزوج ولا وحده بحياته (لايرحم ولايخلي رحمة الله تنزل).
الثانية: اللي يقبل بالخطة لازم يوافق على هاي الشروط.. واذا ميعجبة يطبه مرض.
اجوي 5 يخطبون بورشيا، فگالت بورشيا لنيرسا بورح عمتچ رديلي اسمائهم من جديد.
الاول: امير نابولي، كالت هذا اربع وعشرين ساعة يحجي على الحصونة (تكول مفتح معرض يبيع بيها مارك وبطة ودولفين)
الثاني: كونت البلاتاين، گالت هذا طول الوكت معبّس ومگلوبة چهرتة ميفيد حتى ميضحك.
الثالث: اللورد الفرنسي، گالت هذا كلشي بيه بس مابيه شي (ما افتهمت بصراحة) ادري شنو البيه حتى مابيه .. يلا مشيها.
الرابع: بارون بريطانيا، گالت هذا ميعرف يحچي جلفي واني ما اعرف احچي مثلة شون راح نتفاهم بربچ؟
الخامس: الصغير الألماني، گالت أكتل نفسي ولا يتزوجني واحد چنـّه اسفنجة شفاطة.
نيريسا گالت: شوفي حبيبتي الجماعة الخمسة قرروا يفلتون لأن ولا واحد قبل بوصية ابوچ الگشرة ، چان بورشيا تفرح يعني شوية ارتاحت.
فنيريسا گالت: بورشيا شنو رأيچ ابّسانيو؟.. گالت افيييش فدوة لحلگچ، هو هذا اللي يستاهل وحدة مثلي.. تگول توم كروز إجه عليها.
أمير المغرب
امير المغرب اجه حتى يطلب ايد بورشيا.. چان وياه مجموعة (حماية) كلها بيكيسيّات bkc ورشاشات وحتى سونار مال تفجيرات وچانوا لابسين كلهم ابيض، (لأن كلهم مستخدمين تايد للغسيل.. مافيش مستحييييل).
چان طويل چنه دنگه اسمر يعني مفحّم چان عنده نظرة حادّة مثل فرد واحد شجاع الواحد يحچيها لله، وگللها شوفي عيني بورشيا، لاتخترعين من چهرتي لأن الشمس صمطتني صمط بس الله يدري بيه.
بس مشكته مچان يدري بشغلة اليانصيب فخطية انسطر وماعت روحة فجابتله بورشيا مي ورشت على وجهه، چان يگوم على حيله ويطلع سيفه وجرّه چان يگول شوفي بورشيا هذا السيف ماكو واحد ما صار عليه ورجعه عايش لو ميت لو عاهة مستديمة يعني ابو ابوه صمطته واني مستعد اسويلچ كلشي بس بروح أبوچ الا الوصيلة الگشرة وگام يبچي.
چان تگله يمعود ابو الشباب هذا ابوية ميت فوگ ماهو محترگ بگبره واتريد اخالف وصيته شلون ترضاها انت ميصير. اخير شي قبل وگال امري لله وين الطريق للصناديق خل نجرّب وگالتله بشروط ابوها گال فوگاها هم ميت وهم فوگاها يتشرط الله يحرگه، گلتله احترم نفسك هذا ابوية گللها اي ميخالف هسه قابل شدنحچي؟
گام يباوع على 3 صناديق وضل صافن شي ربع ساعه شيختار گال هسه اني شمدوخ نفسي اختار الذهي لأن هي ذهب. چان متطلع الصورة وطلعتله كتابة تگله (عمت عينك وطيخ الله حظك وحظ النفضك على هلأختيار العاوي) فگام الأمير ودمعته على خده گللها اني رح اضل متمسك بوعدي وبشرط ابوچ.. وچان گال لجماعته يلا نرجع لبيتنا.
لونسيلوت كوبو
لونسيلوت چان يشتغل خدام ابّيت شايلوك،، بس شايلوك چان ناعل والديه.. فطگت روحة,. ففكر ان يعوف البيت ويعوف خدمتة لشايلوك،، فگعد يحاچي نفسه مثل المخابيل عوفه لو ماعوفه..
الشيطان مالته يگله يمعوّد روح ولي شلـّك بهل العيشه الطايح حظها.. وضميره الثاني يگله لا ابقه مهما يكون هذا چان معيشك ابّيته، فچان دايخ وضايج من الدنيا لأن چان قرار صعب.. بعدين راح حاچه ابوه اللي چان اعمى فگلـّه شوف وليدي شايلوك فرد واحد تعبان وعاوي شلـّك بهل العيشه الگشرة عوفه وروح ويه بسانيو هذا خوش وليد حباب..
فراح على بسانيو گلـّه الله يساعدك استاذ بسانيو، ردتك بخدمة، اني عفت شايلوك واريد اخدمك الك، چان يگله بسانيو بالله گول لي ليش تريد تعوف واحد غني وتجي على واحد حافي؟ گلـّه هذاك الله منطيه فلوس بس الله منطيك الشرف (اي على اساس شلون فيل يلعب اتاري).
چان يگلـّه روح لشايلوك وودعه واخذ فلوسك وگله خل يجي لحفلة مالتي بالليل وتعال هلا بيك.
بنفس الوقت بسانيو چان يريد يروح لبلونت، فإجه كراشيانو وگلـّه بسانيو حباب اخذني وياك حتى سحل بالدراجة، گلـّه ولك انت واحد عاوي تروح تخربط كلشي، چان گلـّه والحمزو ما اخربط بس انت خليني اجي وياك بعدين بسانيو قبل وگلـّه يلا تعال.
جيسيكا .. مشكلتها وقرارها
جيسيكا چانت بنت شايلوك ,, مشكلتها چانت تحب لورينزو بس متگدر تتزوجه لأن هو مسيحي وهي يهودية وابوها شي اكيد ميوافق، لأن لورينزو مفلس وگاعد على الحديدة وحتى الحديده هم باعها.. فچانت متكدر تگله لأبوها اني احب لورينزو لأن يرگعها بنعال بس بالقعقاع يعرف رگعته.
فگالت احسن شي اني افلت من البيت واعوف هذا الحيوان بحاله ميفيدني فكتبت رسالة وگلتله اللونسيولت روح انطيها للورينزو,,
فراح لونسيلوت للورينزو اللي چان ملتهي ويه كراشينو بترتيبات الحفلة تدرون دي جي لفات ربطالة سفن يعني شغل بيها مو شغلة بسيطة.
فإجه لونسيلوت للورنيزو وگلـّه هاك هاي رسالة من جسيكا چانت تريد ادزلك مسج بس رصيد ماكو حديقه خطية لورينزو بعد يعرف خط بورشيا لأن اربع وعشرين ساعه دگ رسايل من السطح چان عيونه ترگص على الكلمات تگول مشغل حبيبي قرب وبص وبص وبص...
خطة جسيكا
خطتها انه تفلت ويه لورينزو وهي لابسه ملابس واحد مگدي،، حتى ميگدر واحد يميزها.. ورح تاخذ شويه فلوس ومجوهرات وتنتظر لورينزو بالليل حتى تفلت وياه.. فلورنيزو گال له شايلوک بالبيت وگاللها خل تعتمد على ودك ايده على صدره (عفيه)..
فراح لونسيلوت لبيت شايلوك فلگه شايلوك بالبيت وگلـّه عمي لاخلفة الله عليك اني رح اعوفك، چان شايلوك يگلـّه وروحة اهل البلة خلصت منك بس تاكل شوف نفسك صاير چنـّك طوبة چوبلس.
گلـّه هسه شايلوك بسانيو عازمك على حفلة الوداع مالته تروح لو لا؟.. فگلـّه هذا العاوي انطيه فلوسي يفلفسهن بس يلا نروح نضرب شويه دجاج وكباب.
فصاح شايلوك لجسيكا گلها بابا هاي مفاتيحي اخذيها وقفلي البيبان ولاشبابيك زين ولاتفتحين لأحد خوش الى ان ارجع.
چانت جسيکا تگول: روحة بلا ردّه .. من ترجع راح تلگه بتــّك ماهيّه..
الساعه بلـ10 بالليل همزين مچان اكو حظر تجوال فراح كراشيانو ولورينو لبيت شايلوك وانتظروا جسيكا، لورينزو دگ الباب وگام يرمّش (يمسك) على موبايلها يگللها يلا هسه ابوچ يجي وننعلس وتصير الشغلة بلفاشوش استعجلي..
فطلعت تركض وشايله وياها صندوق وحاطة الاول والتالي مال ابوها (حواسم على ابوها).
شايلوك من خلص عشه رجع للبيت بسرعه .. فدگ الباب.. محد فتحه،، دگ مره ثانية، هم ماكو جواب، چان يچيّت من الشباچ، (الحرامي يضل حرامي)..
قبل مايسوي كلشي راح عدل لغرفته چان يشوف الخزنه مفتوحة وفلوسة ماهنـّه وجسيكا ماهيّه...
چان عدل شغّل الدراجة وراح لبيت الدوق (المحافظ حاليا) چان يصيح يمعودين الحگولي فلوسي بتي ماهنـّه فچان عصبي وشايط .. چان الدوق ينزل ويگله هدي نفسك ، ماهذّه گال له انچب چان يسكت.. گال له سولفلي شكو چان يگول شايلوك بسانيو هو اللي خطف بنتي وباگ فلوسي لأن سمعه هو رح يروح لفينيس بالليل.
فگال الدوق امشي خل نروح للميناء (گراج الموحّد) فراحوا لگو الجماعه مسافرين وبس انطونيو واگف چان ديودّعهم.
فسأله الدوق گال له انطونيو انت شفت جسيكا؟، گال له مچان اکو ولا حاته بالسفينه، فچان اكو شاهد بالطريق گال له هو شاف جسيكا ويه لورينزو راكبين بكيّا وطالعين.
فشايلوك انصدم وگام يفتر بالشوراع يصيح فلوسي، بنتي.. فلوسي، بنتي.. چان يجي نعال على حلگه سكـّته وگلـّه انچب وروح نام.
بنص الليل اجتـّي اخبار على اساس وحده من السفن مالت انطونيو علسوها بالطريق السلابة.
اشاعات على سفن انطونيو
سولانيو وسولاريو سمعوا انه سفينة لخ هم انعلست واجوي لعند انطونيو ،، حتى يكلوله يمعود لاتصدّق تره هاي اشاعات كذبة نيسان، مسامع الناس تهمبل من وحدها.. كلشي مابيهن السفن مالتك وعيونك الحلوة اللي هنه چنها چقل.
شايلوك چان يدگ ويلطم على الفولس مالته والا هو ما مهتم لسالفة بته يطبها مرض اهم شي الفلوس مالته.
فسولاينو وسولاريو گعدوا ينصبون على شايلوك ويگلوله هيه هيه مخبل، هيه هيه مخبل.. فسولاينو شال ربع من جيبه وگال له هاک وسولاريو گال له الله ينطيك..
بس شايلوك سمع بسالفة السفن اللي لنعلست مال انطونيو فكيف لأنه چان يريد يعلس انطونيو اصلاً وشاف الطوبه بالملعب مالته ولكن من جانب القائم تنرفع وضربه مرمى.
تيوبال
تيوبال ابن عم شايلوك.. شلون ثنين واحد اتعس من الثاني، واحد حيوان والثاني الحيوان قليل بحقة، حقير سخيف.. شاف شايلوك گلبه مشلوع فگعد يلعب بيه يگله بتك جسيكا طالعه تفتر بسنتر مول، وعلى المجمعات وتصرف بفلوسك، فچان يشوط كلش ويغلط يگول ملعونة الوالدين شمسويلچ طيح الله حظچ.
بعدين يگله تدري شايلوك سفينة لخ من سفن انطونيو انعلست چان يرتاح، المهم چان ناصب عليه تيوبال وراها شايلوك گال لتيوبال روح شوفلك واحد بالحرس الوطني بالمغاوير يكون موجود بالفترة اللي يخلص المده مال انطونيو حتى يرجع الفلوس بيها حتى يلزمه وياخذوه بلسياره ويذبّوه بالتسفيرات.
أمير الاراغون: الصراحة مابيه شي انه نسولف غير انه بس چان يعرف بسالفة اليانصيب وگعد يختار فاختار غلط وطلعتله صورة اعور ويگله الاعور يضل أعورحتى لو تشدله ياباني.
اختيار بسانيو.. العريس المحظووووووووووظ (بخخخت)
وصل بسانيو ونزل من الكيا اللي چان مأجرها من گراج الموحد وما چان شايل فلوس فصارت إطلابة اباب بيت بورشيا، ونزل كراشيانو وطلع القامة وگال اليوم اطيّح صبغك وعلي.. بسانيو لزمه وگلـّه ها شگلنه مو گلنه راح تگلبها مآتم انچب واسكت فراح اداين من جماعته فلوس وانطاها للسايق اللي باگ هوه من كراشيانو,
فطبوا لبيت بورشيا خطيه چانت نايمه فزت من سمعت بسانيو وخطيه اتعثرت بالدرج ووگعت ترس على وجهها (شنو هلچذب؟) فتسالمت وياه وجابتله راني برتقال.. والباقين گلاص مي حار لأن كهرباء ماكو وثلج ماكو، فالجماعه انصمط ابو ابوهم بالحر.
بورشيا چانت خايفه من بسانيو يختار غلط ويطيح حظها وحظه.. والمشكلة الاكبر انه هي تعرف صورتها الگشرة وين بس متگدر تگول لأن تخاف على مشاعر ابوها بكبره اللي ديحترگ بيه وناسي حتى اسمه يا يانصيب يا بطيخ؟
فگللها بسانيو يلا دلينا الغرفة.. گالتله بسانيو بعد روحي انت ليش ما تگعدلك يومين ، شويه تفكر.. گللها وين اگعد بالحديقة حتى مولدة ماكو بالبيت.. متگليلي وين اگعد هالحيوانات ويايه، دليني رحمة لموتاچ.
گلتله مو اخاف تغلط واديح وانت هم اتديح.. گللها يعني شنسوي بعد حظنه اني وياچ فگر.. اي والله فگر,
چان تگله يعني انت هيجي تريد بكيفك. چان توديه على الغرفة اللي بيها صناديق وهي ايدها على گلبها ، والجماعه سكتوا وعافوا بسانيو ينصمط بالحر وحده ويفكر وين صورة بورشيا،
باوع على الصندوق الذهبي، گال لا مستحيل، هذا كله مي ذهب ما اتوقع ..
باوع على الصندوق الفضي،، گال هم لا، لأن هذا هيچ چينكو مو فضة,,
باوع على الرصاص، گال يمكن وعلي بيه، وگعد يتذكر ايام قلم ميكانك حجم 5 والمساحة اللي تصخم الورقة يعني ذكريات حلوة خففت من المعاناة اللي چانت عليه..
وبورشيا تگله يمعود ابو الغيرة بروح عمتك سعديه بس لا تستعجل..
المهم، فاختار بسانيو الرصاص، فتح الصندوق چان يشوف صورة بورشيا، چان يطلع كراشيانو ويرمي بالهوة وعلگها صار الجو مثل ما علگت بفوز المنتخب.. بورشيا طلعت من الجنطة الحلقة اللي چانت ماخذتها من سنتر مول,, وانطتهياه وگالت اذبحك والكعبة اذا تضيعها لو تنطيها لوحدة اگطعك بشرفي..
بسانيو حلف بالمعتقدات كلهن انه مينطي الحلقة ولا يضيعها .. چان يجي كراشيانو ونيريسا يگولون لبورشيا وبسانيو انه همه يريدون الموافقة حتى يروحون يتزوجون فبسانيو تعجب! واخذله صفنه، گله ابو بنات ولك چانت حياتك كلها تنسيق هسه صرت تدور مره.. بارك الله بيك.. ..
رسالة انطونيو الى بسانيو
العشاق الاربعة بعد كم يوم من الفرحة والرگص والردح للبنكه وتحضرياتهم للحنـّه والزفـّه بيا قاعدة بورشيا تگول بالفنار وبسانيو يگول لا بالقريشي، والجماعه چانوا مخربطين.. چان يجي سولانيو يحمل مسج من انطونيو لأن شبكة ماكو بفينيس مواصلة لهناك، فجايبلهياه مكتوب ففتحهن بسانيو چان تنگلب چهرته ويتخربط ووجهه صار اصفر، جابتله بورشيا مي ورشت على وجهه، ما گعد .. چان تصمطه بنعال ايراني تك اصبع على وجهه چان يفز من نومة مخترع گال ها شكو، لا بعد وكت خليها بعد چم يوم صدق لا عزلنه، شلون صطرة مو تبيعية ابد.
گلتله عمت عينك شصار بيك خوفتني عليك شنو هاي الرسالة بس لا من حبيبتك هناك هاي شنو بسانيو من بدايتها خيانة وصارت عركه وزعلت بورشيا وصاح بسانيو گللها من عمت عينچ هسه غير تسمعيني گلتله شكو گللها شوفي اني چنت گاعد على الچينکو وهذا صديقي انطونيو ساعدني وسوه المستحيل حتى يدّاين وينطيني الفلوس حتى اجي اخطب حضرة جنابچ افتهمتي والرجال ما صارت عنده فلوس وراح ياخذوه للتسفيرات وحچاله القصحة من طق طق الى السلام عليكم اغاتي استريح ليش واگف؟..
هناك چان الدوق بوكتها يدز عشرين واحد من المحافظة ويعني شخصيات معروفة، يروحون لشايلوك ينطوه الفلوس بس شايلوك ما قبل گال اخذلي كيلو مو هو طماطة مال رمزية الحولة،
فبورشيا انقهرت على انطونيو وگالت بشرفك واحد يموت علمود 3000 دولار؟ الله يقبلها؟ يلا اخذلك 3000 دولار وروح انطيهن لشايلوك الحقير بلكي يعوف انطونيو واذا ما قبل انطيه ورقتين من دفتر ابو 30 من النص.
(فلوس مال الحواسم وين يودوها بس لو افتهم)..
بس گلتله قبل ما تروح وتعوفني خل نتزوج وبعدين تروح تسافر تره اطين عيشتك (عفيه شلون مرة ميته على الزواج.. مسويه ختومات)
رسالة انطونيو
(حبيبي الغالي بسانيو، شلونك حبيبي، انشاءالله بخير.. ايييييه الله ربط انت تزوجت واني انعلست، يعني بربك شگد رحت للطيفية ما ذبحوني، يجي هذا الملعون شايلوك علمود 3000 يكتلني؟ والله وكت اغبر.
بعد روحي بسانيو، هذا الشي لازم يصير واني مشتاق اباوع چهرتك قبل ما اروح لگبري ، امانة برگبتك تركب اقرب تاته وتجي بسرعه واذا ماكو شوفلك ستوتة وتعال بيها بسرعة قبل المحكمة) المعلوس: انطونيو
يوم التقفيص على انطونيو \ يوم الفلوس
من صباحية الله.. ركض شايلوك على مركز الشرطة وانطاهم الورقة وگال يابة اليوم تعلسوه لأنطونيو چان يشوف الجماعة نايمة، چان شال له صفطة فلوس حطها على الميز، چان كلها فزّت چان الكل تركب بالباترولات و الهمرات والبيكمات وافتح طريق بارك الله بيك وعلگت .. كلها جايه تعلس انطونيو..
طبعاً ما دگوا الباب، دفرتين انفتح الباب وچان يطلع انطونيو يگللهم ليش هيچي اني مو اخوكم چان واحد يگلله انت وين اتزين؟ اصعد فكلبچوا ايده وحطوه بالقمارة واخذوه للتسفيرات..
فوصلوا لمركز الشرطة چان ينزل انطونيو من السيارة فگال شايلوك للشرطي گلـّه شوف حبيّب، والله اذا داريته اشتكيك يم قائد العمليات وتعرف شلون يطين عيشتك..
فگال له انطونيو تعال افتهمني .. خل اوضحلك، چان شايلوك يگله انچب هسه عندك لسان تحچي والله اذا ما اگطعك فلا اطلع شايلوك، چنت يومية تصيحلي تگلي ابن الكلب تره اعضك وماكو احد يخليني اعوفك افتهمت فإسكت احسلـّك.
چان يگول انطونيو لسولانيو عوفه خل يولي هسه اريد اشوف بسانيو اشتاقيتله هذا المگرود..
خطة بورشيا حتى تنقذ انطونيو
وره ما راح بسانيو بستوتة بالگوّه اجّرها بـألف وربع، بورشيا گعدت تمخمخ فرد طريقة حتى تنقذ هذا الرجال، اخير شي تذكرت اكو عدها واحد گرايبها طالع من الگبر بكفالة، وذزّتله رسالة بقضية انطونيو، وصاحت لنيرسيا حتى تفهمها على الخطة،، فصاحت للورينزو وجسيكا وانطتهم مفاتيح البيت وگالت شوفوا اني رح اروح ويه نيريسا للکنيسه نصوم ونصلي (اي شلونها المپوّشة) وگالت جسيكا مو تحوسمين بيتي مثل ما سويتي ابّيت ابوچ تره تدرين شسوي بيچ، وحگ هاي الميش اللي مسويتهن بشعرچ..
دكتور بلاريو يصير گرايب بورشيا اللي هيه دزتله رسالة لأن الأخ محامي وماكو تعيينات فگضّه عمره بالبيت كلشي ماكو، فهسه اجته شغلة فگعد يخمخمها الى ان اكتشف الحل الصحيح.
ردلها الجواب، فگالت بورشيا عيني نيرسا اني وياچ رح نلبس ملابس رجالية ، شوفيلنا فرد شي من سنتر مول يمشيلنا شغل، فرد دشداشة لو بجامة اي شي، فراحت جابت ملابس نيرسا وتنكروا وراحوا لفينيس.
فبورشيا گعدت تنصب على نيرسا وسوّت صوتها خشن، گالتلها آآآخ تذكرت شلون چنت انصب على البنات لمن يطلعن من الاعدادية واشمر رقمي، وشلون من امشي واباوع على وحده بس تباوع ادير وجهي واصب عليها لو من چنت اشوف اربع بنات اگووول والله احلى وحده بيهن الخامسة، فچانوا ينصطرن،، الله يذكر أيام بعد الثنعش وخط عراقنا بسنت واحد.. نيرسا تضحك وترجع ليوره يعني شافتها خوش مسخرة الوضع اللي هنه بيه..
رد مع اقتباس
ام عبدالله حياج خيتي
