صدگ زفيتها؟!
صدگ رحت او وصلت لبيتها
صدگ ذيچ الليالي انست؟!
بس گلي چا حبيتها ؟!
مقهورة منک... يالخنت
چذاب مثلک ..ما شفت
لأجلک عفت دنيا او وگت
وانعاف چا تاليتها؟!
رابطني بوعود وعمر ..
بس هي تربطها بمهر .
لا تحچي ما عندک عذر
بحنت إدي حنيتها ..
لا والله مو انت الفرس
خسران ضيعت الشمس
معقوله گلبک ما يحس
بالعبره من جريتها ...
غلطانه عيني چي بچت
كم دمعة يمک غزرت؟
بهلهوله زفوها ومشت
واني العفتها ابيتها
رد مع اقتباس
