فكرت انساكـ واتخذ الــــــــقرار
فاتت اكثرمن سنة وماقــــــررت
واكتبت دستورهجركـ والـــــفراق
باقي عالتوقيع بس ماوقــــــــعت
واطلعت ظدكـ شلت بيدي شــعار
مااحبك بس احبــــــــــــــك رددت
وردت اطيحك بنتخابات الـــــغرام
شكلت جبهة تحدي ورشــــــــحت
كلت اصيرن عون للكلبة ظـــعيف
وانة اظعف عاشك بحبي اطلـــعت
هي كوة بكيفي اعوفك من اريــــد
لوتــــــــــرد بكيفي اعوفك جاعفت
من كلت قسمة العشـكـ موبالوعود
ومن كلت خليني ارد اتــــــــأخرت
حاولت بس ادري بفراكك محـــــال
انت لومابــــــــــية جاانـــــــة متت
ياوركـ لوفارك الشجرة يعيـــــــــش
ردت اعوفن مرة غصنكـ ذبــــــــلت
بنص ربيع وجنة حل وكت الخريف
هذا حالي اعليك كلي اتنــــــــــاثرت
اتراجعت عن كلشي يبعدني عــــليك
حتى بالتفكير اهـــجرك بـــــــــــطلت
م
رد مع اقتباس
