هنا

[The Lawyers sjo]

السلام عليكم
اليوم اصدقائي اجيت وعندي موضوع
مضوجني شوي...المهم اني راح اطول
بالحجي ضاهر انشاء الله نطلع بحل المشكلة. ....
لمهم راح ابدي وياكم بقصة...
قصة حياة هنا ...اني صار سنتين في هذا المنتدى. .واني مااعتبرة منتدى لا..
اعتبر بيت جبير وكل واحد هنا هو جزاء من هاي العائلة...فا اني اعرف كل مكان بيتي
وكل زاوية ومنتدى لي بي ذكرة ...
فا من اسجل دخول ...ولكة قصة من قصص ياسين الجبوري واستمتع بيه...
واذوق الشعر في مواضيع فقار الكرخي
وابحر بخواطر كرار الغراوي ..
وتعارك وي صديقي علي نيمار لان برشلوني ...
وضحك ودردشة وي النوتات الحلاوات كلهن
واجاوب على رسائل الزوار لي يدزه صديقي ابن(بغداد ) واضوج لان ماموجود ...
ويوصلني تقيم ع موضوعي ..وافرح ههع
افرح فرحوني اصدقائي ههههههع
المهم اني وحد من الناس املك حياة هنا ..
واكيد كل واحد منكم يملك حياة هنا....
المشكلة وين؟
اني غبت فترة عن بيتي لكيت هواي شغلت متغيرة...
اني مااحب احجي على احد بس قبل كم يوم
سويت موضوع ..موضوع لايملك هدف ثقافي ولاديني ولاسياسي ....
يملك هدف ترفيهي ...عادي موو لو ممنوع
اعتقد ممنوع ..لمهم بعد نشري لموضوع فافوجئت بغلق الموضوع كلت حتمال في شخص بالموضوع تجاوز او نجرحت مشاعرة
سالت مالكيت شي ...ولكيت المرقب او المرقبة لي غلق الموضوع كاتب
( تم غلق الموضوع الانه غير هادف )..
اوك أبتسامت وترفيه اصدقائي مو هدف ...
اتمنى تناقشوني بالموضوع اخاف اني غلطانة....
تحياتي للجميع اسفة طولت عليكم
دمتم بود عائلتي

[ما وراء الشمس]

السلام عليكم
اليوم اصدقائي اجيت وعندي موضوع
مضوجني شوي...المهم اني راح اطول
بالحجي ضاهر انشاء الله نطلع بحل المشكلة. ....
لمهم راح ابدي وياكم بقصة...
قصة حياة هنا ...اني صار سنتين في هذا المنتدى. .واني مااعتبرة منتدى لا..
اعتبر بيت جبير وكل واحد هنا هو جزاء من هاي العائلة...فا اني اعرف كل مكان بيتي
وكل زاوية ومنتدى لي بي ذكرة ...
فا من اسجل دخول ...ولكة قصة من قصص ياسين الجبوري واستمتع بيه...
واذوق الشعر في مواضيع فقار الكرخي
وابحر بخواطر كرار الغراوي ..
وتعارك وي صديقي علي نيمار لان برشلوني ...
وضحك ودردشة وي النوتات الحلاوات كلهن
واجاوب على رسائل الزوار لي يدزه صديقي ابن(بغداد ) واضوج لان ماموجود ...
ويوصلني تقيم ع موضوعي ..وافرح ههع
افرح فرحوني اصدقائي ههههههع
المهم اني وحد من الناس املك حياة هنا ..
واكيد كل واحد منكم يملك حياة هنا....
المشكلة وين؟
اني غبت فترة عن بيتي لكيت هواي شغلت متغيرة...
اني مااحب احجي على احد بس قبل كم يوم
سويت موضوع ..موضوع لايملك هدف ثقافي ولاديني ولاسياسي ....
يملك هدف ترفيهي ...عادي موو لو ممنوع
اعتقد ممنوع ..لمهم بعد نشري لموضوع فافوجئت بغلق الموضوع كلت حتمال في شخص بالموضوع تجاوز او نجرحت مشاعرة
سالت مالكيت شي ...ولكيت المرقب او المرقبة لي غلق الموضوع كاتب
( تم غلق الموضوع الانه غير هادف )..
اوك أبتسامت وترفيه اصدقائي مو هدف ...
اتمنى تناقشوني بالموضوع اخاف اني غلطانة....
تحياتي للجميع اسفة طولت عليكم
دمتم بود عائلتي

خليها على الله هيه تصفه

[The Lawyers sjo]

خليها على الله هيه تصفه

صح صديقتي بس اني ما احب احد يلغي وجود لان يملك سلطة بس مايكفي ...تحياتي لكي

[abas satar]

اختي صحيح المواضيع الترفيهيه شكو واحد ينشر بي يغلق لان اكو مواضيع مالها داعي وليس مهمه

[^-^بطيخة^-^]

الصراحه لو انهم ينضرون بحقيقه هادف وغير هادف ف اكثررر مواضيع المقهى ومنتدى المواضيع المستمرة هي غير هادفه مثل(( اكتب حلم وبعدك يفسرة، اتخيل صوت العضو، سجل دخولك بأسم عضو،عبر عن شعورك ب ايقونه وما الكلمه ولو كلنا ببيت واحد ولو شفت عضو ،وووو...... ))هواي هواي غيرهه من المواضيع ف يعني لازم كلهه يغلقوهه لكن مدري يمكن اذا كان موضوع بيه دردشه يحذف اما الغير هادف ((ف خلهه ع ربك ي طنطاوي )) يعني مندري شننشر حتى نعرف انه غير هادف لان اكو هواي مواضيع غير هادفه تبقى ومواضيع تنحذف...


وبرايي لو يسمحون بوضع موضوع للحديث والكلام بين الاعضاء يكون احسن لان اكثر الاعضاء يملون .. وطبعا مو تذبوهه براسي لان كلت هالشي بالنسبه الي مو ذات اهميه لان ما احب هيج شي ولان كافي عليه حجي بالهمسات بس يعني حسب ما شفت ع الدرر...


ولازم انتي هم تعذريهم شويه يمكن جان ضايج، اشتبه بالموضوع، معجبه حسب فكرة المراقب نفسه ..
عيشي واكلي غيرهه حبي يامه ويامه اتعب واجيب مواضيع ويطلعن مكررات لو مو ذات اهميه وتنحذف وعادي بكل بساطه امشي
....
انشالله ما يكون كلامي ازعج او جرح احد

[يوجين]

والله حبي هاي ترجع للمراقبين بعد
بس هم مابيها شي يعني
الواحد يسمح شويه حته محد يمل

علعموم القرار لاصحاب القرار
شكرا حياتي للموضوع

[الشاعر سجاد باقر]

كل شخص يتشرف انو يكون احد افراد العائله الدرريه ^^

لكن ممكن تخلين رابط موضوعج إلج انغلق علمود نفهم الوضع وكلج آرآئنه ^^

وشكرا

[إدريس]

اولاً شكراً للدعوه :)
___________
اتذكر انـي لكيت دعوه على الموضوع الي انغلق :)
واول ما ردت اشارك غلقوه (رجلي خضره على كولتج )
اعتقد ان الدرر مجتمع ثقافي يهدف الى المواضيع الي بيها شيء هادف ( رغم بعض المواضيع ما منهـا هدف اصلاً وتبقى )
احنا ما نكدر نقرر شيء وخصوصاً احنا (من اهل الدار) الا بالتضامن
ان كنا يحياتنه الواقعيه للان ما كدرنا ناخذ حقوقنا من الدوله
نكدر ناخذها اهنا ؟ ( رغم اني ما اشوف عدنا حق كبير يم الاداره)
اعتقد الفضل يرجعلهم بتكوين البيت الكبير (درر العراق)
ولو ما هذه السيطره الي فرضوها على المنتدى كان درر العراق ما نجح !
لان احنا بالدرر مو مثل بقية المواقع !
نحس بأمـان من الناحية العقليه والقلبيه
وخصوصاً البنات لان اهنا اكو شيء محافظ ...
نرجع لموضوعنـا اعتقد مثل ما كالت زينب لو يسمحون بالدردشه افضـل ...
او يسون موضوع للدردشه لان اكثر الاحيان نريد نشاقه او نضحك ويه اصدقائنه وما نكدر !
لان اكو قيود تمنع الحديث بالموضوع .. او شمول المحادثات بين عضوين فقط ( ماكو بين اكثر من اثنين)
...
بنفس الوقت الدردشه شيء سلبي ... صارت بيها هواي مشاكل اذكر بـ2014
حققنا رقم قياسي بالدرر بالمشاكل هههه
واكثر الاحيان الامر يبدأ بشقه وينتهي بعركة كبيره وزعل .. ممكن حضر
والاعضاء بدأو ما يشاركون هم نايمين بالدردشه


......
فلهذا الاداره يتخذون هل اجراءات
واعتقد ان غرضج كان المزاح لا اكثر وما بيه شيء
... والخطأ مو يم المراقب لان المراقب عنده قوانيين ينفذها ..

[Mustafa AL_Attabi]

السلام عليكم

طبعا هاي الفقرة اني ملاحضها هواي جدا بالمنتدى بس ما حبيت احجي بيها ولا انطي بلاغ لان اعتقد شي عادي وماكو داعي اكبر الامور سواء الموضوع او اي رد نكتبه بقى لو انحذف
بس واني اعرف هواي مراقبين اختصاص بهالشي وهو الدخول المفاجئ والتصرف بدون استئذان او مبرر وهذا شي غلط ويضر بتواجد وتفاعل الاعضاء وبالمناسبة اذا دخلت المراقبة التي تتصرف دائما بهالطريقة الخطا او المراقب اتمنى توصلهم هاي الرسالة ويعرفون انو التواجد مو شرط يكون اختراع قوانين او تأليف اشعار وقصص ولازم يكون تفاعل مرح وبي شقة وضحك

تحياتي للجميع

[جنـات]

صح كلامج اني شفت هاي الضاهره يعني اقل كلام بلموضوع گالو دردشه وحذفو
وصايره وياي هواي مثل هيج امور ومرات اشتكي ومرات اغلس اني قبل ٣ايام جنت فاتحه موضوع مسابقات وفجئه لكيته انغلق من دون اي سابق انذار وحته مكتبو ليش انغلق
فنرجو من المراقبين حل هاذا الموضوع