هنا

[¥محبوب$القلوب¥]

ماينـقبل صـيامـه .. المـايحـتفل بمـامه
الليله الحسن نوره
نــَور المـعمـوره
------------------------------
مـيلاد ابن سـيد البشر لا والله مـو عادي
إليحـتفل هـذا المسه ايفرح النبي الهادي
شيـعه وفرَحنه ابمولده وهـذا الفرح بادي
خـلي نغـيض الناصبي الـبايـع البغـدادي

والبـايـع الخـليفه .. تـَربية السـقيفه
والـيرفـض ابدوره
نــَور المـعمـوره
------------------------------
احنه الحسن عدنه ولـي الكل لازم اتطيعه
هـذا الحـچـي بـي نلتـزم لاوالله منـبيـعه
مـو طائـفي ابـن النـبي للسـنه والـشيعه
لازم علـى الكـل تحتـفل والمـولد اتذيـعه
سبط النبي اليريده .. بــالأخـره يفــيده
ويشفعله ويزوره
نــَور المـعمـوره
------------------------------
معقـولـه مـسلم هالمسـه مايـفرح اللـيله
ابنفسه رسول الله فرح وتـعنه اله ايشيله
صـاح اليحب ابنـي الحـسن اتعـهد ادعـيله
والمـايحــبه بالـحـشر يــاويـله يــاويــله
لايرتجي الشفاعه .. خل يلحگ الجماعه
المايتبـع الـشوره
نــَور المـعمـوره
------------------------------
هاللـيله جـبريل اعـتنه ومهـده ورد فارش
مـو بدعـه لمن نحتفل هالعمل مـو فاحش
يامسـلم انـته بالحـسن ارجـوك لـتـناقش
ويـانه اذا ماتحتفل يعني انتـه وي داعش
خل نفتهم قرارك .. وضح شنو مسارك
واليحتـفل طــوره
نــَور المـعمـوره
------------------------------
كـل شـخص يوم الاخـره خـل نعتبر طالب
بالحـسن لمـن يمـتحن خنـشوفه وشكاتب
النـاجح يـباركله الـنبي ويـعاتب الـراسب
واجـب الليـله نحـتفل بـبن النـبي واجـب
واجب نعم مؤكد .. اليحـتفل مـسدد
واضحـه هـالصوره
نــَور المـعمـوره
------------------------------
كـل الـيضد ال النبـي مرفـوضه اعمـاله
ولـو چـان هـوه صاحبي لتـگـول هـنياله
هنيـاله كـل واحد يحـب والـه النبي وآله
هـذا حفلـنه ابـهالمسه مـوتنــه عــذاله
اشتسوالك المذله .. يــاناصـبي نگـله
الـشيعه منـصوره
نــَور المـعمـوره
----------------------------
تمت والحمد لله في ٢٣ / ٦ / ٢٠١٥
خادم اهل البيت حيدر تركي الكربلائي

[حروف ضائعة]

شكرااااا اخي احسنت النشر

[¥محبوب$القلوب¥]

شكرااااا اخي احسنت النشر

عفواً أنرتِ الموضوع

[.ياسمين.]

احسنت أخي بارك الله فيك و ثبتك على الولاية
شكراً ع النشر