هذا القصيدة الى احد طلاب كلية الزراعة
للشاعر فرات الشمري
كما اشكر الاخت العزيزة (الحالمة )
على ما تقدمت به امامي من رد الطالب على الطالبة
انا اقدم لكم رد الطالبة على حبيبها وعلى زوجها الاستاذ
فارجو ان تنال اعجابكم
-------------------------------------------
چبيرة آنه چبيرة وعدكم زغيرة
زغير الماعرف أمرة وتدابيرة
زغير الوگع حظه وبگة بحِيرة
ولك والحبّو يگولون:
لو مال الغصن حدرك
يا طير اطفر لغيرة
چبيرة انة چبيرة وعدكم زغيرة
زغير انت .. زغير وما تَعَرْف إتحب
نسيت شلون اتلگاك من تِچْهَبْ
هنا يا لاهي
وماعرفت اشلون تلهة
هناية ساهي
وما حسبت حسابك الهة
ساعة الگيك يم سوسن
ساعة الگيك يم زهرة
تعال اگرب اعتبنك ولو مرة
تعال اگرب تعناني اشوفك جرحك اشكبرة
تعال وصير عطابة
تعال وچم تعال
وما نفع وياك
وانت على ضحچات العليلة
شلون مسترطب
هذا انت وتگلي
زغيرة وما اعرف الحب ؟؟
شنهو الحب ؟؟
شتريد تگول .. شتوصفة ؟
المخلص يجيب الماي من الغيم
لو لحظة عطش ولفة
لا تطري دروب الحب
عليك محرمة وكلفة
ادري بَكْ طري ذبلان
ادري بك شبه سعفة
تميل ويه الهوه لو مال
ماريدك بعد حيال
ظل اسمع حچي العذال
واشبع لوم كلمن كال
الما يعرف تدابيرة
حنطتة تاكل شعيرة
چبيرة انا چبيرة وعدكم زغيرة
هذي قصتي وية فلان
لاچن شوف اللي چان
استادي يصول يجول
يدور ابحومة الميدان
يعض اصبع يظل سهران
عليمن ؟؟
شنهو البدر مني وبان
يا ناس اسمعوا قصتي
شلت ايدي لجل فهم الدرس
مو لجل حرشة غايتي
وجيتك مرة لو مرتين للغرفة
مرة توصفلي طريج الحل
مرة مدري اشچانت الوصفة
يا عيب العيب تحسبهة سوالف شوگ
ولهفة
خلف الله على الدلاّك
عايزهه بعد زفة
حرت انة يا هل وادم
بين استادي والطالب
من مثلي على الصوبين
دتحارب
بعت انة وشريت النوم
ولا فد يوم
اريد الناس ينسوني
اريدن تغمض جفوني
حيرانة الدرب
دِدَلوني
لا يوم اليمر يومي
مو راح اشگن اهدومي
يا ربي شلون هلحيرة
چبيرة انه چبيرة وعدكم زغيرة
رد مع اقتباس
المشاركة الأصلية كتبت بواسطة ماجدعلي
