هنا

[فقار الكرخي]

امنيتي مايغفه الحلم
امنيتي يتقدس عشگنه وتنشطب چلمة غيابك..
چان ملگانه صلاة.. وناي الموادع صنم..
وينك انت؟
اتمرجحت صفناتي بذيال الظﻻم
والضوه دربه ازدحام..
وواهس اجروحي انكسر وي مزهرية خاطري..
ليش عايفني سهر بعيون نجمه
وليش عايفني بوكت ماعنده رحمه..
خاتله الضحكه ابگفه اخدودي اسيره وخزرة الشمات وحشي..
يا غﻻة اخر نفس مر بيه نسمه
ميت ابفرگاك والدفانه غشمه..
ويا حﻻة اگبور ماتستنگي جثه..
امطرز الجيتك مواويل وسوالف
وداخت السبحه عله اچفوف المضايف..
تطوي بسنيني الليالي..
وذبلت اوراق الخلگ بس غيمة الواشي اتبختر..
ابكثر ما تانيت جيتك مدري شمس الله انكسر خاطر ضواهه..مدري تيهني خيالي..
فحطن اعيوني وطلع طيفك سراب ..
و سير الغيري حﻻلي وماضگت هلهولة ( أمي ). .
وقشمر الليل الشمس بحچايه ظلمة
ونگطع خيط الضوه بدورب خشنه وما لگيتك. ....




عباس رحيل

[يكفيني اني برنسيسة]

رووووعة
دمت بهذا العطاء الراقي

[جنـات]

رؤؤؤؤؤؤؤؤؤعه
من ابداع لابداع
عاشت الايادي

[مكسور الجناح]

دومتا انت ودام ابداعك الجميل

[ملكة قلبه]

حلوة

[فقار الكرخي]

شكرا لمروركم