رحلة سعيدة (مغامرات + قصة العشاكـ) -1-
مرحبا ^
شلونـكم
ححجيلكم قصة صارت وياي قبل كم سنة
رحت ويه ولد خالتـي لبيت جدهم
بقريـةديجهزون للعرس ..
طبعـاً انا ما عايش بجو القريه الصعب
وبدأت الرحلة السعيده ---
________________
وصلنـا ونزلنـا من الكييه
وعبرنا الكَنطرة ودخلنا بيت جدهم وكان كلش جبير شكد حلو
بيه بابيين باب على البساتين من الخلف وباب على الشارع وبين البيت والشارع كنطره
حتى يعبرون لان اكو نهـر :)
اني كلت حتكون احلى رحله
وعشت اللحظة والرومانسية
واول ما دخلنـا شكد بنات كاعدات
ما شاء الله طبعاً انا خجول
طبيت وانطوني مي (ماء)
وكان طعمه غريب (المفروض ما بيه طعم او لون او رائحه)
عفت المي اتوجهنـا للبساتين وطلعنا من هناك
جان اكو نبات على النهـر مثل القصب بس بيه شيء نطشر بأيدنا
ما اعرف شيسمونه المهم
هو نكمشه بأيدنا ونطشره يطير بالهوا
يكولون اذا طب بالأذن يصير طرش (اصم)
واحنا ما قصرنا ملينـا السلف (القريه) منه هههه
.....
بعدين سبحنا بالنهر
او سبحو بالنهـر ههه لان ظلو كامشيني حتى ما اغرق
هههه كان اكو حيوان او حشره اخاف منهـا اسمها ابو الجنيب يمكن
تمشي على المـي عاد طلعت لبست ملابسي والطين ملاني وزلكت ورجعت بالنهر هههه
طلعوني واني اتمزلك
وكلساع احس بحصوه (حجاره) برجلي مثل تجرحني ههه
طبينا جوه صارت دنيا ليل وكمنا نلعب ختيلان (غميضه)
وشفت العجايب
اشو واحد الكيه صاعد على نخلهلو واحد يروح يطب للبستان وهي ظلمة
ههههه
وواحد يصعدلي فوك الباب والثاني يجلب بحبل مشدود بشجرههههه
حسيت دا العب بالغابه ويه طرزان والحيوانات
ركضت عود ادور عليهم وانجبحت بالكاع اثاري بنية خاتله
بالجـووه (حفرة يمشون بيها الماء) ههه
كمت نفضت نفسي وجان تدفعني المخبله -_-
وتكلي ما طخيتني وتفلت مني ههه وهي اكبر مني
وجان اشوف شجرة نارنج اخذت وحده بأيدي وركعت البنت وهيه دتندار عليه وتركض
وجان توكع على وجها ههههه
واني خفت وركضت طلعت كلشي ما بيها
النوبه رجعو ختلو حسيت اكو احد صعد فوكـ
صعدت ولكيت بالطابق الثاني خمسه كاعدين بقفص الطيور ههههه
نزلت والكنتور يتحرك ابن خالتي فتحه لكه البنات هناك
اجه عم ابن خالتي ههه ورزلنا وكالو لا تلعبون اهنا بعد -_-
عود انتو نكول عليكم ولد المدينه وكباروتفتهمون هههه
رحت طلعت بره اني وابن خالتي ...
لكيت مجموعة بنات وشباب كاعدين ..
كمت اباوع النظرات ما شاء الله تبارك الله كلها حب ههه
بنت الجيران وابن عمة ابن خالتي
وهمه ينتظرونا نكوم ههه واني كاعد على كلبهم
وانتبهت بنات يباوعن علي
ما عندي سوالف حب وعقلي صغير بهيج امور
كتلهم منو يلعب حويده (ركض)
هههه كلها كامت حتى نلعب حتى (العشاكـ) ويانه
سوينا اوليـه (لعبة بالـ أيد حتى نطلع الي يركض ورانه)
ههه طلعت اني وصارت ببنت هم مخبله
وركضت وملزمت احد لان يركضون حفاي (بدون ما يلبسون شيء)
واني اركض مثل بطريق هههه وجان تجي عليه وتكمشني من ياختي وردت انهزم وجابتني سحل هههه
وحلتني وما كمشت احد
لساني صار اطول مني من التعب هههه
اخر شيء واحد طب للبستان كلت اي فرصتي
طبيت وراه
اثاري اللوتي يدري بيه ما اندل
وطبيت ولكيت اهنـاك
جلب (كلب ) كان يحرس هههه
وبدال ما احود الولد الجلب حادني
وظل يركض وراي واني اركض واريد ابجي من الخوف
.
...
....
يتبع
ان عجبتكم التجربة اكمللكم شصار لحد يوم العرس :)
رد مع اقتباس
المشاركة الأصلية كتبت بواسطة أسد الهاشمي
