هنا

[فقار الكرخي]

يبعد اهلي
وبعد روحي
وبعد كلشي
مدري شبيه من اشتاگ
ما مرتاح
هيه الروح من تشتاگ تاخذ راحتي وتمشي
الج بالروح روحيه..
والج بالعين حنيه..
طينج يختلف بالشوگ
مو مالت بشر لا مال جوريه
يريحة هيل لتفوحين
ناس تغار
مثلج بالسلف ما نازله بنيه
حوه بداخلج..
بس ...لا غريب الطين
الگمر واهل السمه يگولون حوريه
يبعد اهلي اليحب يتونس اعله الليل
ونتي شما لمحتج ليله گمريه
مدرين منين يبنيه
لاطينة بشر لا طين حوريه
كون انصاغ لعيونج محابس شوگ
وشذر حسنج يرهمن ريتهن بيه
شربت الماي بس عطشان
مريلي ، تراها الروح بس وياج تستطعم بالاميه
يبعد اهلي ،
الصدگ تدرين ، اشم الريح جنه اتراب
بغير هواج ما تستانس الريه
ربي وياي راح انخاك طرگ جفوف عاشگ صافيه النيه
ربي انطيني هيه وماي
لو وياي بس هيه




علي كاظم

[فتوشةة]

واووو رائع

[سمراء من قوم عيسى]

رؤؤؤعه

[ايوووته@]

جميل جدااا .متالق دوما