اريد ابجي واخلص كل دموعي هنا
واريدن انه بيهن تذبل جفوني
الحزن لاكيني كاع ومشتراهه عليه
انه حزني علامة تخرب ظنوني
شلت حملك عمر ما كتلك اخ واخل
لون عدهه حلك جا صاحت متوني
دمع حزني ثكيل وما تشيله العين
وكت حزني بجيته وطاحت عيوني
تجي تسأل عليه تكلي متغير
بسبب حزني تغير بالهضم لوني
اعشكك يالحزن واعشك سوالف بيك
لان أهلي على دربك يامه مشوني
انه ياهو اليعاشرني عليل يصير
درب علة حزن للماشي سووني
انه متعذب وكلش تره مهضوم
سريري المكبره وبفراشي دفنوني
جنت ورده وتعطر هالطبيعه عطور
اجو ذوله الشماته ومنه كطعوني
اجو شمو عطر بس خلصوا مني
تحت جدم المذلة هناك سحكوني
انه عزازي اذا طاحو اشيلنهم
ولكن من طحت مطروح عافوني
انه حتى بوفاتي اسمي ماكتبو
عليل علل كبر ياناس سموني
منقول
رد مع اقتباس
