وصلولة الحجي يستاهل وعلخير
البللساني يوجع لازم يصدكة
خل يبريني ذمة لخاطر المكسور
خاف بيوم ناسي وضيكت خلكة
كولولة يمرني حتى لو بطيف
مااخرة اعلة خلة بساعة الملكة
سواها واجاني ابخت عاشكـ مات
اجاني وعين ذاك بركبته معلكة
ها رديت تدري اصار من اجفيت
كَللب لليلي غير السهر ماتلكة
لاتحسبني راد الفركة تللعب دور
صبر عانس وشايل حيرة مطلكة
تتبختر للبست الحلقة ارتاحيت
وبكلمة حبيبي سكتت حلكة
غشيم وحتى جلدك يحجي لو عدة للسان
جا كـِلة اعلة متنك بي اثر شبكة
انا التنشد عليه ربات ولد اشيوخ
المايع ما مخاوي مخاوي الف تفكة
ما عايش عليك الذلة مو بالثوب
الخريف يعيش لمن تذبل الوركة
طعم مرورة ملحة الخان عشرة وياي
المايستر دمعتي يعتبر خركة
المايسندلي ضهري يصير نصفي شلون
بلا سيف ورمح تشتوحش الدركة
ماريدك ترد بس ردلي غمضت عين
السما وجفون عيني اساوت الزركة
بخت شايل بخت شارك ضمير الليل
صوت امي وكفلي وبرد الحركة
منقول
رد مع اقتباس