احلى عيد لوكانت كل هاي الفلوس عندك
أريد أگعد گبالك لحضه عين بعين
بلكي وياك أنسه همومي واحزاني
واريد بقفص حبك أبقه مسجون
ولا اطلع برائه وأنت سجاني
أجيتك تايه أني بغير عنوان
لأن أعرف محبتك هيه عنواني
شدلاني عليك وأنت عني بعيد
غير الگلب حبك.... وهو دلاني
ياليلي ونهاري وكلشي بيه يعيش
ياأمي وأبويه واغلى خلاني
حبيتك بروحي وما حجيت وياك
لان خفت امنكلك تبتعد عني
وضميتك بكلبي وما كلت للناس
ورضيت ابقى بعذابي ولوعتي ووني
بس لشوكت اصبر .., والصبر محدود
وانت بنظرتك يوميه تكتلني
معروفه اليحب بس الكلب ينطيه
بس انت شلع من عندي ماخذني
على جروح الكلب تتمشه من تفوت
ومن دمعات عيني جفوفك تحني
بعيونك سوالف بيها الف تفسير
وحرت يا نضره منهن بيها تقصدني
يفشلة هيــل ، باعــونه بنفـــس دخـــان !
اهيم بشوك وصلك وانثر الروح
وعلة اشفافك ثلج من تنزل اشفافي
واعض اشفاف حسنك واشتعل نار
وكطعهه بصدك ياكلمة الكافي
لمستك بيدي وذوبت الاشواك
الطريق اطويل اكعد تعبت اجتافي
واحس رجفة ابغرامك والكلب عطشان
اريد اشبع وحسن بيك متعافي
واريد بايدي اجتفك تنسجن بحساس
وعلة اوصافك اريد اطبعهه لاوصافي
وبادلني بغرامك خل اهيما بيك
بس اكعد حبيبي وانتة الك صافي
رد مع اقتباس
