هنا

[فقار الكرخي]

الي بكل ظلمة موقف يسوه شباج
والي بكل فزعة وكفة وسالفة وراي
وي صاحب جذب ماقصرت يوم
ووي روحي من اشوف مقصر هواي
كاع وبالنهر يربطني ناعور
بعشرتنه الطويلة مغزر الماي
اعلى كد جنحي من اسولف للسما بطير
مااتمادى خافن تزعل سماي
كصب واخلاقي كلها تعود للهور
يذكرها من اموت سوالفي الناي
ابد مو قصدي اغثها من اخذ سلال
تره الصفصافة هم اتحمل فياي
بملكة عيوني لسه يسولف الطيف
بارد مااريد يكول ملكاي
ريح بجيتي جم شراع ينهاب
يعدل ومن اموت يموت وياي
غصن والمافهمني جناحه بي صوج
بخضاري مبين وينشاف منواي
غاية بداخلي من اتناوش الغيم
لرفعة راسي احسب حتى بضماي
هيبة وطيحتي اتانيها جم كاع
لجدمي اجم درب يتعنه شراي
نهر ومن امشي اعوف بظهري بس خير
الكاع تكيف شما طال ممشاي
مهي مو عن فراغ بظهري طعنات
بخطوة صدورهم عابرها مكفاي
واعذرهم واكول تهون مرات
شما صعدوا بعدهم هم جواي.




علاء الصبيحاوي

[abas satar]

رووووعه

[ملكة قلبه]

روعة فقار

[يكفيني اني برنسيسة]

روووووعات وربي
يسلموووعلى الطرح الراقي فقار