هنا

[عمو ساكه]

صح العراق انجرح بس هذا مو مقياس
النخل من ينجرح مايشتكي من الفاس
مادام اسمنه علم يعني احنا احنا تاج الراس
ينقاس بينا الذهب مو بالذهب ننقاس
علمني جرح الوطن اضرب مثل للناس
الخوه مو بالعدد الخوه رفعت راس

[عمو ساكه]

بغداد ضحكه شمس بغداد هلهوله
بغداد ليش الدمع صاير الج سوله
بغداد شنو هل الصببر وج خلكج شطوله
بغداد انت الامل بغداد انت الحيل
بغداد لزم يجيلج صبر مهما يطول لليل

[عمو ساكه]

اني عراقي ابن العراقيه
اني ابويه سني وامي شيعه
وجاري مسيحي وجارتي صبيه
والكردي اخويه والتركماني منه وبيه
اني ابن الشهامه الاعظميه
واهل بغداد وزيونه منبع الحنيه

[عمو ساكه]

يكولون العراق انتهى وراح
اكوللهم لا لي هسة عطره يفوح من القداح
يكولون العراقالم وعذاب وجراح
اكوللهم الفرح موجود وبيدنا المفتاح
يكولون شلون والعبوات والمفخخات وكل واحد شايل سلاح
اكوللهم إذا صرنا كلب على كلب
وأيد وحدة نبني بلدنا وننشد موطني بعالي الصوت وصياح
ونكول للعالم إلي تراهنوا على نهايتنا
المستقبل إلنا وكل همنا زاح
العراقي ذهب
العراقية الماس
العراقي وفه
العراقية إحساس.
العراقيين رغم الظروف يبقون أحسن
ناس

[عمو ساكه]

الوطن موسلعــه رخيصه وبالدكاكين
الوطن روحي ومهجتي وساكن العين
الوطن امـــــي وابوي وجاري الزين
الوطن ديني وصلاتي وخوتي الاثنين
الوطن غالي غلاته المــــاي والطين
الوطن لـــو طاح تذبحني السجاجين الوطن
هذا العـــــــراق البيه نهرين
طبع دجله وفرات التـــــجري للحين
الوطن ريتي وهويتــــي وهو المعين
الوطن حلـــــم الطفوله ومهد الاسنين

[عمو ساكه]

شهداء الوطن
---------
كل سنه بهذااليوم يمنه تسيرون.
بعده الوطن ماطاب خافن تنشدون .
صرتوا بدربنه أشموع بالظلمه تضوون .
وعلمتوا كلهه الناس طبع الوفه شلون

[عمو ساكه]

وصيه
-------
كلما تمر ذكراك أرجع البيتك .
الوطن لاتنسوه جانت وصيتك .
الوطن ماننساه ولاننسه أسمنه .
لابد يجينه يوم نحقق حلمنه .
الوطن لاتنسوه يلغبتوا عنه .
بعده حزنه امجيم بديار أهلنه

[عمو ساكه]

اصبر وشد الجروح وأنزف فلا اطيح .
حتى الوطن ليضيع وي عاصف الريح .
.............

[عمو ساكه]

يمته حزنه يزول وتزول الهموم .
ويمته كمرنه أيعود ونزفله النجوم

[عمو ساكه]

هذا العراق أيصيح وين النشامه .
ذلوني هاي أسنين كافي المهانه .
أنهنت ونذليت محد فزعلي .
تاليهه ناس أجناب هي الخذتني .