وسفه أنه أطب بگلب هيچي بشر
علمتك إعله السُگُم
بـس مـو غدر
سهمك وصل بس شعجب بالضهر
جـانـي السهم
گتله إِنـبِـت بالگلب
بيك إنته ريحة صاحبي اللي غِدَر
گـتـلـه بگفاه
يا صاحبي و مزعلت
تـلـگـيـتـه چن شايب گبالي و عِثَر
گـال إطني ظهرك
أنـه مدزوز إلك
گـتـلـه أهـلاً و بگليبـي ثـق إستقر
ضـل صـافـن بـمـلـگـايـه من إنِبَت
يِنِبِت و أنـه إفـيـش أصيح إنـبهـر
سـهـمـك عليه إنقهر
يـااا صاحبـي
گـلـبـك شـمـالـه ومــــا عليه إنقهر
تـربـات أبـوي و حـتـه من أنجرح
مـا صـيـحـن اااااخ
الـجـرح مهما كبر
يا أخ أصيحن
و الجرح من أخــو
نيشن بظهري و فضلي كله إنـكـر
كـسـرت گـلـب الـسـهـم لمن إجـه
شـمـيـت بـي حد ما گليبه إنكسر
ترجاني أغمض
گتله وسفه وعلي
حـاول يـطـب و تـردد و مـا گــدر
كضيته بيدي وما قبل گال ااااافه
وسفه أنه أطب بگلب هيچي بشر
گتله إسكت وغمض عيونك
سكت
بعين السهم شفت أنه گلبه إنفطر
دچـيـتـه گـوه
و بالگلب مـن نـبـت
وداعة الخوه بگلبي أحِـسَـن صغر
حـس بيه سهمك مـا قـبـل أنوجع
حسبيى الله بعشرة
الما ذكر خوتي وياه خل يرحل بعيد
الما صـايـم بـرمضان چـا شله بالعيد
محمد البلداوي
رد مع اقتباس
كل الشكر والتقدير لك
