طلع كلبي يدور عليك مارد
وسهم هجرك لعند الجبد مارد
لون عيشه بعرش هارون مارد
اريدك يلكطعت الوصل بيه
**************************
عليل اصبحت من فركاك بس نوح
وكضي الليل كله عليك بسنوح
اليشيل الحمل عني ايجوز بس نوح
اذا جاب السفينه وفزع ليه
****************************
انولت روحي بغيابك والمنته
وغدر بيه الذخرته والمنته
كبل لاصيح اعرفك والمنته
تهد كبلي وتشيل الراس ليه
جناس مارد ذكرنه بابوذيه كتبته بجناس قريب
اكول
النكـر طيبت عشرتي ماريده انـه ( ماردانه )
وبعـد لتـلـح هـجـرتــك مااردآنــه
الي سـاعــه واثـورن مــارد آنــه
واذِّيــــك بكـثـــر مابيِّـــه اذيـــــه
وحك يوم الذي ليلى نخت باه
كلبي من المرار اصبح نخت باه
درب شمات والناكه نخت باه
ونواظرهم خناجر تشج بيه
هسه النوح يحبابي وجبلاي
اصيحن والصده ينادي وجبلاي
الجدي مندل كمت والله وجبلاي
شيردك ياشريج العكل ليه
فتح قهره الزمان وسكراني
بحزن شربني دمعي سكراني
صاير ضغط بيه وسكر اني
اجت كلهه ابسبب بعدك عليه
طرت ياحيف عالي ناصي ريتك
ورغم كل جور وكتي ناصي ريتك
اخبرك موش ذيجة ناصريتك
الم واحزان وبحصرة قوية
منو مثلي صبر للضيم ماهم
احز اصحاب كلبي صبحو ماهم
أشما يكثر علية الحزن ماهم
اهمن بيك يلمبعد علية
كصير الدرب ,شمالك ماشي عني
وأنه ضنتي بجهنم ماشي عني
طفيت وغير شخصك ماشعلني
قيامه لوحدك سويت بيه
بجـه صخـر المصمَّت لهل حالـه &
الـمـدلَّـل تـبـدَّل ظــيـــم حـالـــه &
كـبـر جـرحي ودار اليوم حالــه &
واذا بلـغـتْ فطامُ لـنـا جـــراحٌ
___________________دمـع وشـمـوع عـيـَّدنـه سـويـه
بقلمي
هذه الابوذية مولدة من البيت الفصيح التالي :
صبحته في المساء فقال لي
اتهزأ بقدري ام كان منك مزاحا
فأجبته اشراق وجهك غرني
حتى توهمت المساء صباحا
المسه كتله صباح الخير .. وبراك (( البركة ))
تمازح كال لولا اتوخز .. وبراك (( ابرك ))
كتله لا وحك الصورك .. وبراك (( برأك ))
بحسن وجهك صرت معرف صباحي من المسية
رد مع اقتباس