غريبه امها يصاحب وابهمنا
غريبه امها يصاحب وابهمنا
شعاع البدر خدها وابهمنا
انا ماريد عشره وابهمنا
عشرتك بالدقايق تمت بيه
حبيبي التين والزيتون وازهى
وشبه شجرة ربيع السنه وازههى
حضرها الواشي والنمام وزها
خله ابكل طويله نار السريه
عيدان
روحي والهوى ودنياي واعداي
لامتني جميع الناس وعداي
اريد اصبر واشوف شلون وعداي
واشوف العاقبه شصير بيه
عيدان
اعيونه گبل اشافه شتمني
ويعگلي الچان ثابت شتمني
انهجم بيتچ يروحي شتمني
تمنين الذي يصعب عليه
وين اللي يميز الحجي يزنه
نححجي زين يطلع شين يزنه
السله تريد ومن العنب يزنه
يصير اثنينهن يرحن عليه
عليك البس هدوم الحزن واحد
عزيز انت يهالنايم واليعز واحد
الناس تمشي وتودع نعش واحد
وانه ودعت خمسه وماردوا اليه
رد مع اقتباس
المشاركة الأصلية كتبت بواسطة علي الشمري♪
