وين صرت
هذا موقف طريف صار وياي. مره طلعنه اني وزميلتي من الجامعه فرحنه للمطعم طبعا اني من الكوت وهي من بغداد ف كالت انروح لمطعم معروف بالمنصور ما اكول اسمه المهم وصلنه دخلت للمطعم لك هاي شنو ولا جنه مطاعمنه الكعده شلونه الموسيقى الناس شنو المهم كعدنه كالت راح اروح للحمام. اني همات رحت للحمام ف دخلت لكيت واحد واكف اني عبالي منتظر السره ههههه هيج المعروف صح لو لا شنو هسه يطلعون ماكو يمعودين ماكو احد وهذا اخرس لا يحجي لا يدخل تقريبا عشر دقايق البنيه اتصلت علي وين صرت اني اكله هسه اجي اصبري رجعت اتصلت نفس الشي اني استحي ادك الباب وهاي ادك خرب شنو هل الوضعيه خليت وطلعت كالت وين جنت كتله طبعا ميانه اني وياهه ف بالغلط كتله وين جابتني كالت شكو كتله هذا واحد واكف جوه ولهسه مدخلت هي ماتت ضحك كالت ولك هذا عامل خدمه من تدخل وتطلع يفتح الك المي وينطيك اكلنس باوعت عليه بس ما اكلكم شلون حقدت عليه رجعت دخلت فتحت الباب هاي شنو شرقي لك شنو هل الورطه رجعت طلعت كتله امشي كالت وين اخذته وطلعت والفلافل الزينه والحمامات السياحه دخلت وكتله انعل ابو ابوج اذا جبتيني بعد لهيج مكان
رد مع اقتباس
المشاركة الأصلية كتبت بواسطة حسن الياسري
