امي بسنين العجاف
نكتفي بريحة حضنها ..
ومن نجوع،
تثرد الجوع بلبنها!!
ولو عطشنه ..
تعصر عيون العطش وتجيبه ماي
وتحلب الصيف وتشربنه نده!!
وتطحن برحة صبرها ..
العوز وتسويه غده
مي اخذ لونه الفرح من لونها
امي اخذ لونه الحزن من لونها
امي كاس ايامي حنظل
شنته بليمونها ..
ترفع بچفها لواء اسمه الحنان
وقربة العباس ماي عيونها
مره حزنت ..
حيل حزنت ..
لان خاصمنه الرغيف
نزل قرص الشمس حافي
ومدد بماعونها !!
مي لو تنسه الاذان
يصير مذهبنا حجر
ومن نغيب..
توكَف عله الباب صفصافه حزينه
وتظل تدعي ..
وتظل تدعي ..
ربي يرجع بالسلام
مره رديت ولكَيت مبيّض بچفها الحمام !!!
امي خاف يمسنه سوء
تعوف قرآن العشگ وچفوف اديها ..
امي من اتروح يعني نموت جوع
ولهذا اتعوف كل مره ثديها !!
يمين فدوه اروح لدار اسمج
تغيم الروح لو اكولن يا يمه
حنيت الج والله وبجيت البارحه
حنيت الج والروح يمج رايحه
ضاكن عليه ذني الليالي
بس صورتج تبقى بخيالي
كلبج كريم ودوم يمه مسامحه
بأسمج تصيح صغار وكبار
يا ضوه عيوني وشمعه الدار
بطيبتج يا يمه يسولف الجار
حنيت الج
مو عذبتني ايام الفراق
ولشوفتج ياحبيبه والله اني مشتاق
انتي الحنينه وكلج اشواق
كلبج كريم ودوم يا يمه مسامحه
حنيت الج
( ابيات الشعر منقولة)
رد مع اقتباس
المشاركة الأصلية كتبت بواسطة Dr.House
