من طبعي ارد الإساءهـ ( بالاحسان)
وأساير ظروف الزمان اللعينة
وأطوف الغلطهـ من افلان .. وفلان
يعني من أجل ( عين ) تكرم مدينهـ
الكامل الله والخطا طبع ( الانسان )
والدرب يفرق عن يسارهـ و يمينهـ
و ( ـالصاحب ) آللي لهـ معزهـ ولهـ شان
ان جاني بـشينهـ .. تذكرت زينهـ
اتحمل اخطاءهـ معي ( قدر الامكان )
من جانبي تبقى العلاقهـ متينهـ
واللي ( يغلطني ) وانا ماني بغلطان
اصابعي والله احطها وسط عينه
مادامني مسلم وفي قلبي إيمان
عمر ( البحر ) ماشال هم السفينه
مرت علي انواع .. واشكال .. وألوان
بين ( العقول ) الناقصهـ .. والرزينهـ
عندي قناعه أن الإنسان شيطان
اذا يهينكـ ( لازم ) انك تهينـهـ
يعني اذا حاجتكـ ( بيدين عدوان )
يكفيكـ شر المهزلهـ .. والغبينهـ
من كثر ماجاني من الناس خذلان
تحرجني حتى كلمة ( الله يعينهـ )
صحيح لي ربع .. وجماعهـ .. وخلان
و( أضيق ) لكن حاجة الناس .. شينهـ
الشخص دام انه بكل شي خسران
تأكد انهآ من (عمايل يدينهـ )
من مرحلة حب .. ومشاعر .. وحرمان
إن مالعنت ( الحب ) تلعـــنهـ سنينهـ
اكتب شعر واعزف من اشواقي الحــآن
واسلي ( قلوب الغرام ) الحزينـهـ
ولو الشعر مخلوق في هيئة انسان
والله لأقول له ( تسلم ) واقبل جبينهـ
رد مع اقتباس
المشاركة الأصلية كتبت بواسطة أسد الهاشمي
