هنا

[فقار الكرخي]

شدوها الحزم طبوها طبة موت
قصتها انتهت تكريت رجعوها
بنفس ذيج الهمم والصبر ع الشدات
نريد انبارنه من البعث تخلوها
الموصل بقت ويرجع عراق الخير
شرط بجدامكم داعش تدوسوها
ما قصرتو لا والدور اديتوه
ونثني اعله الجهود الي بذلتوها
الخانو بالحشد والباعو الثرثار
وقبلها سبايكر والموصل انطوها
سياسين كلهم وحگ داحي الباب
ما عدهم شرف والغيره باعوها
كافي يا شعب تتنفس الازمات
عليهم دنتفض والدولة بدلوها
نريد البرلمان تشيله وي البيه
ونواب الرئيس نريد تلغوها
الحكومه نعيدها ومنريد اي مسؤول
وابناء الحشد همه اليقودوها

[تّـفـاَصيلـٓ]

عاشووو روعات
شكرا جزيلا. ع الانتقاء الرائع. دائما

[يكفيني اني برنسيسة]

الله الله روووووعات يسلمووو على الطرح
ان شاء الله يرجع العراق مثل قبل واحسن ويرجع الامان

[ملكة قلبه]

عاشت الايادي

[علي الشمري]