اليدري بفرگـــــــتك يا ساعه يايوم
لا تعتب عليه لــــــــو راد الگــــــبور
ولا تسئلني ليش وشنهــــي لسباب
اريدن هيچ كون من احچي مستور
واريدن هيچ كـــون اتحاضن اوياك
كبل منعوف حبنه وينتهـــــــي الدور
واريدن كـــون ابد متگول هــــا خان
اذا سئـــــلوك كـــــلهم راح مجبـــور
گلهم ما تركنــــــــــــــي وگد الزماط
گــــد احچايته وما يحچي الف طور
گــــــــلهم بيده شال الروح واغتاض
لمن عافنــــــــــــــــي اتلاگه ويالزمور
گـــــلهم راح محنـــــي مدنگ الراس
راح وخاطره من الفرگــــــــه مكسور
گــــــــــللهم جهنم رحبت بـــــــــــــي
واظـــــن من نام......نام بحضن تنور
تركنــــــــي وبي جرح ما يقبل ايطيب
مشـــــى وگلبه اعله درب الموت منحور
عشت ايام گــــــلهم حــــلوه ويـــــــــاه
علــــــــى الضحكه ودمعنه وذيج النذور
ودعنــــــــــــي ودمعتـــــــه بعينه تيزاب
واحس الهوه بريته من الهوه ايفــــــــور
احس كلشــــــــي بحياته اتهدم وضاع
بكـــــــــــــل خطوه بمشيته ينثر اشهور
احس بصفنته اتــعــشــعـــش خفافيش
وعلـــــــى ساحل اخدوده ادموعه ناعور
عثـــــــرت مــهــرتــــــــه ابخيالها بالليل
واتهدمــــــــــــت قلعته وطـــــايح السور
احسن بس جسد ظل يمشــــي عالگاع
احس بروحه يمـــــــــــــــــــي ظلت ادور
گلهم صح مشــى بس من مشــى اتراب
خذت بيهْ العواصف ضــــــــــــاع معذور
((( الخالدي )))
رد مع اقتباس
