سأرحل بكم نحو الشعر نحو الحقيقه الموجعه
تابعو فقط الناصري ذو الاحساس الهادء
الرائع عادل العضاض
فيما يقول
........أنه الغلطان من خليتك أنت بدفتر الوجدان
وانه الغلطان
من گتلك اريدك
من گلب ولسان
يا.... گصر النظر
من گمت أهتم بيك
حسبَّالي يظل ميزانك
الميزان
ويا عثرة درب
ذبت اجدامي اهناك
والسچه طويله اتعاند التعبان
تجرحني اعله طولي
وما گلتلك ليش
وادنگ عيني منك مستحه وخجلان
اجيك ابخلگ ما دشنته طول اليوم
و...ارد ابخطوه وحشه وبهذلاها اللوم
واعض اشفافي عض ندمان
انه الغلطان
يا... رحلة عمر نفضت أكتاره اسنين
أعد أيامها وأشخط على الحيطان
و...أرد الذكرياتي البعثراها الغيظ
ارتبهِّن ... و.. ارد كلشي مثل ماچان
وترِّد انت تبعثرهِّن
وارد آنه
وترد انت
وصيّح ابزحمة السكته
مو كافي ولك يفلان ...؟
جرحني الحچي الما رتبنَّه احروف
وشهگ ويه روحي الجتفاها الخوف
وطيح وبيه الف نيشان
يا ... طبعي شگول اعليك
تركض عالسراب
وشايلك طوفان؟
رِّد معذور ماطول الوكت بعده
رِّد ابأول المُدَّه
و...لو سدَّوا
ابوجهك باب
صدگني أگلك تنفتح بيبان...........
رد مع اقتباس
المشاركة الأصلية كتبت بواسطة abas satar
