حوار بين طفلة يتيمة نازحة وبائع الاحذية
عمو اجيتك .,, اشتري
وجروح هاي الدنيه كلها بروحي ,, نامت ,,
دموع كًلبي اليوم ,, سالت ,,
والفرح مني انسلب
عمو لاتضحك عليه تكًول ,, هانت ,,
واني من عيال الله وعندي رب
امي ماتت ,,
واجيت للدنيا يتيمه بلايــه أب
وانت تدري بالوطن كل يوم محتل
الناس كًالتلي شهيد من اول ايام الحــرب
بيا حرب عمو لتسأل ؟
الحرب معروفه هسه ,, تصير بس عند العـرب !!
!!
عندي اخوه اثنين طبو للسجن وبلايه ذَنْـب
واختي ماتت بالقصف من اللَّـهب
وبيتي طين وطاح من كثر الضرب و بلاسبب
واكيد من طاح انَّهَبْ
احنه اطفال العراق ,, احنه موش اطفاال غزه
وانت عمو تبيع كل شي ,,
واني مو جوعانه خبزه
واحنه بس تنور عدنه بلا عجين ولا حطب
وسلال عدنه بلاعـنب
ّّ
من يحس ياعمو هسه بالفقير
لكًمة الشبعان وسفه بلاضمير
شما أكل هسه وشرب
ّّ
والله موجوعانه خبزه
اني جوعانه حنان من الشعب
بس من يشيل اليوم همـي
واجانه رمضان .. ورجـب
اريد اصوم واهدي كل صيامي لأمـي
واني منها تعلمت كل ,, ألأدب
الناس تفطر كل شي عدهه
واحنه نفطر بالخدود من البواجي والنِّحَب
ّّ
بس راح اظفر شعري نخله
بلكت تخضّر ,, رطـب
وهذا جوور الساسه بينه ,, وموش من الله انكتب !!
ّّ
الذبح صاير سنينه
والدواعش هجّرتنه ,,
والحكومه غلقت ابواب المدينه ..
ومابقى بوجهي مطب
والشعب غلطان من راح انتخب
السياسي مايحب بس الطرب !!
والموت جمله بلاعدد
كل شي خـرب ,,
هذا البلد واهل البلد !!
بس الفليله الباقيه الصانت شرفهه والنسب
وبلا حسد دكًوو الخشب
ومانريد نجيب سيره ,,
ّّ
عمو ياهو يبيع غيره ؟,,
يجوز ماتت ,,
والبشر نازع ضميره
’’
وباع كل شي
رجلي ورمت ,, عمو كًلي شلون امشي
وماكو يم علتي شفاء
وعمو يابياع عندي اخر طلب !!
’’
والله اصابع رجلي خدرت !!
مااحس بيهه بعد من التعب ,,
واني محتاجه الدواء !!
وتدري مااملك ذهـب
عموو تنطيني حذااء؟
وبمكانه انطيك حكام العرب !!!
ــــــــــــــــــــــ
تحياتي
رد مع اقتباس
المشاركة الأصلية كتبت بواسطة النقيب
