هنا

[مرتضى علي]

عـــزف عــود الموادع تـم تــره نـتم
و بعـــدكم مـا نــتم بيكـم تــره نـتم
إذا انـــه عـــدم عـــدكــم تـره انــتم
حياتي و روحي و كلشي الـلي بيه

[حروف ضائعة]

گبل چنت من أعوفك ولو لحظات

كل لحظة التمر تنعد بالف عــــام
بس وداعتك هسة الوضع غــــير
تمرني سنين هجرك چنهن أيّــام

[Lolly]

علامات الكبر بـانت ولاحن
أوخويا المنكسر قلبه ولاحن
بعد ما أنشد عنــــهم ولاحن
ولاحن بعد بالمـــــــالي بيه

[حروف ضائعة]

الجمال البيك ما منة جمال
انت منك غار بستان الورد
انت ربك ميزك عن العباد
من تطلع بتموز يكتلنا البرد

[حروف ضائعة]

نسونة الجانو بنظرة يحلمون
وليش نلوم بيهم والله حقهم ..
مابيهم خلل بينة الخلل جان
أنطيناهم أكبر من حجمهم .~

[~تناهيد~]

حرامات العشك يتمثل بكلمه
وحرامات المحبه تنكتب بحروف
وحرامات القلم بيد الجهال يصير
ويمثلون العشك ويشخبطون حروف

[حروف ضائعة]

اليشوفك عمت عينه من ضواك
والمشافك عمت عينه شگد خسر
فدوة لاتطلع أخاف يفرهدوك
لأن مامنطين بالحصة شكر d:

[حيدر الغديري]

يل طبعك صخر واني طبعي زلزال

اذا تثگل عليه صدگني اهزك

[~تناهيد~]

ماشايل بكلبي حقد ..
بس انت مختار البعد ..
موجود يمته ماترد ..
والطوبه هسه بساحتك ..
واضح كلامي وصدكه ..
ومن تمشي راسك دنكه ..
كلبك اذا مثلي لكه ..
بساعتها ارفع هامتك ..
جنت انه اموتن لو رحت ..
بس هسه ..!
روح براحتك ..

[حروف ضائعة]

نته مو مثل البشر لا مستحيل
إنته صح شكلك بشر بس يختلف
إنته أقوى انسان گدامك ضعيف
بنظره من نظرات عينك يرتجف ..