بعتني ابيوم وانه امناطر اسنين
وانه للحين اريدك تشتريني
خلص ميلاد جرحي وخلص الليل
اوبده فجر النهار اتشوفه عيني
اوطفت شمعتنه ستكه والشمع ذاب
اوغفه جرحي اوبده يحسب اسنيني
اوبقيت الوحدي ادورك وين موجود
وانه ادري ابغيابك ماتجيني
اثاري الليل ذاك الراح حلمان
اوخيال الجان مابينك وبيني
ماريدك بعد لو انته روحي تصير..
وشكـَ دفتر غرامك خاطر انة انساك..
ودير الوجه عنك من تلاكيني..
ملح بعيوني احطن ونسة حتى النوم..
اخافن بالمنام طيوفك تجييني..
اذا شافتك عيني وفرحت بملكَاك..
والله اتبره منهه وهاي موعيني..
واذا صافحك جفي بحجة الخملان..
اكَص اثنين اديه يساري ويميني..
واذا كَالولي حبك يسري بالشريان..
ثق بالله اكطع كل شراييني..
واذا صاير شمس انه ابقه دوم بليل..
وماريد الضوة وبلظلمه خليني ..
تذكرمن لكيَتك والعطش واليك..
وكَلتلي امعود اترجاك روييني..
عصرت اجفون عيني و وشليت دموع..
وشربتك بديه وانت تدريني..
ومن مرني العطش صرت انت جربة ماي..
كَصدتك معتني ومديت جفيني..
وانتة بكل وكاحة وكل صلافة عين..
درت بجفوفي سم وردت تنهيني..
تذب نفطك عليه وانه بيه النار..
وتتحمه اعله ناري و ماتطفيني..
وصرت محبس بديك وكَمت بيه تسوم..
ساعة تبيع بيه وساعة تشريني..
اظل خصمك وفضحك حتى من اتموت..
على كَبرك اخطن بايكـَ اسنيني.
تخيل يومها ارحل واصير بعالم النسيان ويجي طيفي ويهمس لك"توفى عاشقك ي فلان
اشتهيتك واني صايم...ضملي شفتك للفطور
چنت اگلك لا تخليني وتروح…
هسة ابشرنك صرت ما ريدك
عيوني يبسن
بعد مابيهن دمع.
ابغيابك
لو تطخني ابشعره.صدكني انوجع
الموت حقر
ما اجه من اشتهيته
ماتفيد الله كريم
وعلي للمنهجم بيته
أخرس وكع بالبير واشر بصبعه
ع الجرف بس عميان ياهو اليطلعه
منو يشبهنه #ابدلعنه
ومنو خلگه ابگد #خلگنه
ولو #ثگلنه
آخ ياطاري ثگلنه
هاي مو مطروقه #هاي
احنه بس نضرتنه #راي
اثگال من ربك #خلقنه
فقره حيل
وما يلوگنه #الدلال
عوزنه يخبل علينه
صـدفه صـَارت ،،
والتقيـت وياهَـا ،،
الجنتـ اتمنـى صدگـ انسـاها ،،
قبـل لا اسـأل واكول شلَـونها ،،
حيـل متغيـرات ذني عيونهـا ،،
چـنه من نسهـَر نسََـولف ع الجمـال ،،
هسه كـله شلونج ،، شلـون الجهـال
عفنـه كـَل الفـات وايـام العنـاء ،،
نحجـي رسميـات هسـه احنه اصدقـاء ،،
وكـُل مواضيـع العـشـگـ
عفنــاها ،،
صـدفه صـارت والتقـيت وياهـا ،
