هنا

[توحاية]

تغيب الروح بغيابك واردها
كتاب جفاك من عندك وردها
روحي بفركتك يذبل وردها
شمس انت وتنور الدرب ليه

[حيدر الغديري]

دنــــــــيا وســـخــــــــة
ما تحب واحد نظيف !

[توحاية]

تلوعنة وشفنه كل حلاوتهم ومرهم
والروح تمشي على طوعهم وأمرهم
حبيبي دوه لجروحي ومرهم
تمنيته يجي ويحن عليه

[توحاية]

همت وانسلب عكلي وزاد مرضاي
على المر ماشفت شخصة مر ضاي
لون بات الترف بحشاي مرضاي
لكه اكرب يهل مبعد علية

[~تناهيد~]

هذا حظي وهو ويامن كعد؟؟
ماازعجك لاوحگ طولك بعد..

[توحاية]

دنــــــــيا وســـخــــــــة
ما تحب واحد نظيف !

بسك لا تضل تشكي بهاماك
وتلوم العين وتعضعض بهاماك
اخذ طبع النخل وارفع بهاماك
واذا بالطين عركك هاي هية

[توحاية]

لو ردت الحبيب اتشوفه ينشــــــاف
وطيبلك جرح بضــــــــماده ينشـاف
اخبرك بل حبيب اشلون ينشـــــــاف
بس ضيف الاميل وهاي هيــــه

[توحاية]

وحك رمضان وأشرافه وكتبه
عليك يهل دمع عيني وكتبه
انه شماريد أهم خطك واكتبه
شدهني جفاك من غصبن عليه

[توحاية]

وحگ اعيونك ورسمك وداعك
وحگ جلماتك الحلوه وداعك
يصاحب فرهَد ابروحي وداعك
انتلف ثلثين والباقي باذيه

[توحاية]

تعال اسمع ون النايات وون عود
يخويه امشي نرد للوطن ونعود
اذا باجر متت بالغربه ون عود
وتظل ابعيد عن ارض الوطيه