صباح الخير..
الشاورمة لها خلطة سرية ولها كذا طريقة..تعالو نجرب طريقة من طرق الشاورمة.. هانقطع نص فرخة مخلية شرايح..ونتبلها ببصلة مفرومة وطماطم مفرومة..عصير لمونة كبيرة..وكباية زبادي..2فص توم..ونص معلقة صلصة..معلقة خل..نص معلقة بابريكا..نص معلقة بهارات مشكلة..رشة حبهان مطحون..رشة جوزة الطيب..رشة مستكة مطحونة..وملح وفلفل. هانتبل الفراخ بكل ده قبلها بيوم. نشوح الفراخ في زيت زيتون ونقلبها على نار هادية لحد ماتستوي.. نلفها في عيش التورتيا او عيش شامي ومعاها خيار مخلل وتومية او طحينة.. اللي تحبوه.
انتو بتعملو الشاورمة ازاي؟!
رد مع اقتباس
