سينامون رولز
دي طريقة سينامون رولز
والطريقة بالتفصيل أهيه:
"المقادير العجينة:2 كوب دقيق-1 معلقة كبيرة خميرة-4 معالق كبيره سكر
1 معلقة صغيره بيكنج باودر-ربع كوب زيت-2 معلقه كبير حليب بودره
3/4 كوب ماء -رشة ملح
الطريقة:1/السكر والخميره ونص كوب ماء دافئ ونقلبهم كويس ونسبهم يخمروا شويه
2/نضيف الخميره اللى فى الكوبايه لباقى المقادير ونعجنهم ولو احتجت ماء نضيف ماء دافئ
3/ناخدهم على رخامة المطبخ ونرش رشة دقيق ونعجن كويس على الرخامه 5 دقايق لحد لما تبقى عجينه طريه مش بتلزق
نحطها فى طبق ونغطيها ببلاستيك راب وفوطه نضيفه ونسبها فى فرن دافى ومقفول نسبها تخمر ساعه او ساعتين.
الحشو : 1/2كوب زبده مذابه وبارده -1 معلقة كبيرة قرفه -1/4كوب سكر
1 معلقة كبيرة نشا. نقلبهم كويس اوى فى طبق
4/هنطلع العجينه بعد ماخمرت ..ونرش دقيق على الرخامه ...ودقيق فوق العجينه ونفردها. ...وندهنها كلها من خليط الزبده والقرفه ونلفها رووول ...ونقطعها قطع متوسطه ونضغط على كل قطعه ضغطة بسيطه علشان تبقى رفيعة..وندهن الصينيه زبده ونحط فيها قطع السينابون ...وندخلها فرن شغال من قبل بتاخد تقريبا 15 دقيقة على 180 درجه لحد لما لونها يبقى دهبى من تحت..ساعتها نشغل الشوايه تاخد لون من فوق ونقفل.
صوص الحليب المكثف بالجبنه :
نص كوب لبن بودرة-ربع كوب ماء مغلى-نص كوب سكر -معلقه صغيرة زبده
نضربهم كويس اوى فى الخلاط لحد لما السكر يدوب كويس وندخلهم التلاجه يتقلوا نص ساعه او ساعه وبعدين اطلعهم اضيف ليهم ليهم 3 مكعبات جبنه كريمي واضربهم تانى فى الخلاط ونستعمله"
رد مع اقتباس
