المدفع من يطگ يطلب بثار خيام
ماچنه العراق ولا الوادم هاي
أشمن بالحرب ريحة خيم وطفوف
من يوگع إبنه بهالحرب ياناس
عابس بالمغيسل مو إبنه نشوف
أبو صالح يقينن بالحرب موجود
لأن واحدنه اشوفن للحرب ملهوف
المدفع من يطگ يطلب بثار خيام
الطلقه المنه تطلع إلهه ثارچفوف
ماشوفن نساء الوطن مچتوفات
أشوفن زينب وذاك الحرم مچتوف
ماشوفن بنادق بيد ولد حسين
أشوفن عالسواتر شايلن سيوف
ماشوفن همر دبابه بالميدان
أشوفن خيل تصهل والحسين يطوف
طف حسين ردت يالتحب حسين
إطلع للحرب ضهر الخيم مكشوف
يالنايم ابيتك والسواتر موت
تره بسجل الحسين اسمك ولك محذوف
النبي عن اليجاهد گالهه امنزمان
اليجهز الغازي . غازي ونفس أجره يشوف
واذا متقاتل امشي تبرع ابأي شي
حتى تكون غازي وبالحشر معروف
الشاعر
احسان القريشي
رد مع اقتباس
