مشتاگلك يل ما تحن
مشتاگلك يل ما تحن
وانه بكثر ما حن الك وجهي امنصدن للنهر ما ينعرف
تعبني وجهك تيهت
كلساع ادورلك وصف
جـــا
يمته احضنك مو خلص ليلي انتظر
كلـــساع افلسلك عذر
ابالي موگد صفنتك
طفيته
وستاحش جمر
لمن رحت جم يوسف ابالك شلت
ثوبك لزمته ودورت
بس للأسف
الذيب ما شافك گبل
ثوبك نزعته وحسبت
مشيول من جلدك غفل
كل هذا ما شايل حقد
يو صيحت
عطـــشان
اصيرلك مطر
ذاريها روحي لضحكتك
وانه ادري تضحكلي ابطر
بليل اذا تگعد طفل ذرعان اصوغلك نهد
كل هذا ما سمعك ترد
محتاجلك جرجف حضن
روحي بغيابك ترتعش
ماتت برد
من كون واهس ما الك بطل تجي براس الحلم
الماله واهس للعشگ
المن يرد
انطيني بس جلمة وعد
يم بابي بالك لا يمر بالعافيه جفوف الغرب
سولفله من نايم
متت
ابالي نسم (غيبتك)
ما نسم ابالي الشرب
علي كاظم
رد مع اقتباس
