عليك الله اقترب ما احمل فراگ
ما ظل للبواچي اي حيل بينا
حال الظيم والله خلافك الحال
نعثر بالهوى المـگـبل علينــــا
موش دموعي ذني سنيني التطيح
لسابع جار گلبي يدگ ونينه
اللحضه بدونك تمر چنها سنتين
شمع عمري انطفه وذابت سنينه
تعال وخل نعيد ايامنا البيض
وكل شامت يصد نكسرله عينه
عراضه اباب بيتي التمو اليوم
يغنولي الشماته (" ارجع علينا..
يالرحت من ادينا) بسبب بعدك
متنا من الهجر والله انتهينا "
دمع عيني بغيابك سوًى طوفان
وبحضنك نوح سوًالي سفينة
محتاج لحنانــــــك حيل مشتااگ
جمر گلبي اشتعل طفي حنينه
غربة الليل ع الفارگله محبوب
وانا مفارگ وطن .. يا ليل هينه
مثل يعقوب عيني ابيّضت اعليك
اليجي بريحة قميصك گلِّي وينه ؟
بقلمي : مصطفى نوري الطاهر
14/6/2015
رد مع اقتباس
المشاركة الأصلية كتبت بواسطة sawsanmahmoud
