جان الة مرصاد يبرالة القدر
راح ابو ماجد مثل لمح البصر
يوم ما جانه ولفه عنه الخبر
إنهدت الكامة وكسر مني الظهر
جان شمعة يضوي ما يبخل بنور
ذكرى ظل بس خيطها يسعر جمر
ابمصابك قمري ناح ويه الحمام
كليبي رد وياه من نوحه إنفطر
ناطرة جيتك يخوي أمك البيت
وي أخت نذرت إلك باقي العمر
يوم الاسود من رحت تمسي وإجيت
عالنعش مبهوتة ظلت شادرة بليه فكر
شرد أكول الوصف ما يرقه للشوف
ضلوع صاحت بالحناية بيه إركد وإستقر
جنت بذرة طيب بلسم للجروح
لو كسر مسته إيدك ينجبر
بعد ماكو لزوم نبقه ننتظر
ندري كلنة بليلنة غاب الكمر
نام يا أحلة أخو وأطيب صديق
إنتظرنة كلنة بعدك بالاثر
منقول
رد مع اقتباس
المشاركة الأصلية كتبت بواسطة الشاعره نور الهدى الزركان
