يمعود تعال وجيبنة ويالك
ما يسوى العمر صدك بلياك
صـــــــار هـــواي يمنة أندور أعليك
ضيّعنة العمر بس كـــــون نلـــكـــاك
صّيرنة البعد جوه الشمس عود
ويمر مثل الهوى ويكســـرنة طرواك
وي الراح كلنة تروح وتهـــون
نسينــــة الــــــراح كـــله وما نسيناك
بعـــــدك تنتـــظر أيــــامنه تعــــود؟!
وبعـــدك تنتظر عــــالصـــار تـفسير
بعـــــــدك مثل الأول تشبه الماي؟!
وتبوس بجـــرفك حلــــوك النـواعير
بعدهي بجفك تنـــــــــام الحمـامات؟!
وفوك جتــــافك تنـــــام العــصـافــير
بعدك تنتظر لــــــو هبت الريح
تجــــيب ويــــاهه مـن بيبانه تراب ؟
ارجع خل اكضن جــف السنين
ويرجـــــعــــن مثل مـــــاجنه أحباب
تعال ومن تطب لا تقفل البــاب
مفـــــــــتوح شوكــــت متريد العتاب
بعدني بلهفة احبـــــك حــــب مجانين
والكّــــلـــك نسيــــتك كـــلة جــــذاب
ما موجــــود يمي وانته موجــــود !!
ونــــــاس شكّــــثر يـمي وهي غياب
إذا مكتوب نزعل نرجـــع أردود
خــــل نعـــقد صلـــح وانشـك الكتاب
بطلت الزعــــــل ماازعــــل عليـــك
مـــن يمــــشي العمر موسهلة ينجاب
ولا زغلط عليـــــك من أرد أراضيك
أرجعـــهن الـــك بـــوساتك حســـاب
وإذا أغلــــط أعيـــد أحســابي مرتين
حتى آنه وضميري وفكري نرتــــاح
واخلـــــص ذمـــتي ودينــــــك أوفية
وارجـــــع سلّــتك مــــليــانة تـــــفاح
فـــــارغ مــــا أردك كلـــشي انطيـك
واطيــني الخســــارة واخـــذ الأرباح
وأرجع مــن جديد وأحــرث الشوك
وأكضي العمــــر كلـه بخلك فلاّح
منقول
رد مع اقتباس
المشاركة الأصلية كتبت بواسطة اشواق الموسوي
