هنا

[أنثى حائرة]

اني جنت على علاقة بشخص غريب لمدة سنتين والحمدلله طلع شخص جدي وزين وما يضحك على البنات وره 10 ايام من تعارفي بيه انكشفت واهلي جنوا من عرفوا واكيد سحبوا الموبايل مني بس اني ما استسلمت وضليت اجيب موبايل من وره اهلي واخابره لحد ما صارن 7 انكشافات وكل مره من انكشف عقاب اقسى من قبله مرة كصوا شعري مره ضربوني بلعوده حد ما صار جسمي ازرق...الخ واني جنت كل شئ يصير وياي اسولفه لبنت عمي لان اني ما عندي اخوات وجنت اضوج لان وحدي وعلاقتي بامي مو قويه بنت عمي كالتلي اتركيه بس اني ما سمعت كلامها لان ثقتي بيه بلا حدود اجه يوم وبنت عمي اجت لبيتنا واخذت اهلي بغرفه وحدهم علمود تحجي وياهم بموضوع اني جنت خايفه هواي وما اعرف شراح تكول لاهلي من راحت اهلي صاحوني كالولي ابن عمج خطبج واحنا موافقين من كلولي هيج بصراحة ما اكدر اوصفلكم شعوري كتلهم لا مستحيل ازوجه لان اني ما احبه والزواج مو بلقوه كالولي مو بكيفج تزوجيه وغصبن عليج ومنعت نفسي عن الاكل والشرب وكله ابجي مع ذلك اهلي بقوا مصرين على رايهم اجه يوم بابا كلي اتخابرينه قصده على حبيبي وكليله خل يخطبج اذا من صدك يحبج صدك اني خابرته من تلفون بنت عمي وكتله وكال اني باجر اجي ويه امي وخالتي بنت عمي كالت لاهلي انو اني خابرته وبابا ضل يضربني بشده وكلي معناها فضلتيه علينا اخر شئ من شافت بنت عمي جسمي هيج وما اكل وانو اني مصره على رايي كالتلي انتي خسرانه اني حبيت انقذج من اهلج ضلي هيج خل يفيدج حبيبج وغلطت عليه وراحت لاهلي وكالتلهم احنا بعد ما نريدها وراح نخطب بنيه ثانيه اني بصراحه طرت من الفرح .اخر انكشاف اليه اهلي استسلموا وخابروا حبيبي وكلوله تعال اخطبها صدك ثاني يوم اجت امه وبيبيته هذا الحجي صار ذيج السنة بمحرم اني ما اعرف شحجوا ويه ماما من راحوا دزيت رساله لحبيبي كتله ها شصار اهلي قبلوا كلي اي بفرحة الزهرة خطوبتنا اني طرت من الفرحة وضليت ابجي وشكرت الله هواي بعدين ماما صاحتني كالتلي هم ما يردونج لابنهم اني بقيت مصدومه لان ما اعرف اصدك منو ماما لو حبيبي رحت لغرفتي وكلت لحبيبي وكال ثقي بيه بس وصدكيني وكال امج كالت هيج علمود ما تلتهين بلخطوبه واتشوفين دراستج المهم اجت اللحظة يلي انتظرها واجت فرحة الزهرة ومن صدك انخطبنا هاي السنة وجان هذا اسعد يوم بحياتي اريدكم تساعدوني لان اني وياه دايمن نتزاعل ونتعارك على شغلات تافها من جنا بلعلاقة ولحد الان نتعارك وبيه طبع محلو انو ما يتنازل ويعتذر دايمن يكلي علاقتنا راح تنتهي من وره ايدج نتعارك لو علمود طلعه ما يقبل اطلع هواي بحجه انو اني عندي امتحانات وانو اني بنيه مو ولد علمود اطلع لو نتعارك علمود ملابس هو ما يعجبه ملابسي لو بسبب البنات لان اني اغار عليه بشكل مو طبيعي حته مرات اشك بيه لان هو طالب جامعي وكومه بنات وياه ومن نتعارك يدزلي كلمات وصور جارحه كلولي شسوي شلون اخلي علاقتنا حلوة وبدون مشاكل

[لانا احمد]

امممم أولاً مبارك الخطوبة عزيزتي
ثانياً بما أنه كان أختيارك عليك تحمل تصرفاته والأهم من ذلك انتي من البداية عندك ثقة بيه لذلك لا داعي لمسألة الغيرة لأنه وحسب ماقرات انه يحبك جداً والدليل انتوا مخطوبين
ثالثاً مسألة الإعتذار عادية جداً لأنه في الحب يلغى كل شيء ومابيها شي انه انتي تعتذرين دائماً بالعكس راح يزيد احترامه لك .
عزيزتي كوني متفهمة أكثر والخطوبة أجمل مرحلة في حياة اي شخصين حاولي الإبتعاد عن المشاكل قدر الإمكان ، اعرفي طبعه ، حاولي تكونين انتي كل شيء بالنسبة له ، لأن الزواج مسؤولية ولازم تتحلين بالقوة وصدقيني يوجد حب بينكما اذن حياتكما جميلة جداً وسوف تنتهي كل المشاكل .
أتمنى لك السعادة

[حروف ضائعة]

حاولي عزيزتي ان تفتهمي ولازم واحد من عندكم يقدم تنازلات حتى تستمر العلاقة
ومبروووووك على الخطوبة