ماصرت ابلاش انكسر ضهري اعليك
وكلت فدوة الضهر للما كسر خاطر
اخضر شاربك بعدك وصرت حمال
شنو شمالة الندى ما يعرف يعاشر
اذب دجلة وراك الغبشة من تروح
مو للشغل طالع جنك مسافر
ثوب العيشة يسحل مو قياسك جان
والدراسة تلوكَلك مو خزرت التاجر
وطوب يطبهم البطلوا ما يقرون
الهضيمة انتة عفته من جنت شاطر
ياللجيب الشهادة مطرزة بعشرات
الاول علة الصف وتكَعد العاشر
ركَع بثيابك وتختل وية الوكحين
هية لو ع شطارة تصبح الاخر
وعلي صبورتك لازم وراك تصير
والدرس التغيب عنة ينحسب شاغر
اني بجيبتك غير بعلي تنسيت
ويوم بموتك غير انكَلب عاشر
ترف طولك الحنطة والمناجل ناس
هدوا وانتة واكف وكفت الساتر
السبع بطون شالن غورتهن بيك
الله يعينه من تشوفك العاكَر
وجهك جان مسقط عين الحديثات
العفيفة لجيتك تكض ابابه تناطر
نيتك وين جانت واني نيتي شلون
احس بروحي صلفة من اذكر الصاير
انتة تكَلي اجمع خاطر تحجين
وانا اكسر قاصتك وانصبلك ألجادر
بيا شارب عفتني وجوهم صحراى
وهية كلمه حرام شتعني للكافر
من جوني اهل ابوك عيونهم اعلة البيت
ورث رادو وحولك بعدة ما داير
ورث رادو وحولك بعدة ما داير
رد مع اقتباس
