ماكو داعي وداعتك ماعندي غيظ
من الاول ادري بيك تعوفني
كعبة للعشاك ثابت ما أدير
ادير سنتك هم تجيني اطوفني
ماريد تشوفني ولااريد اشوف
يشوفك الله والله هم يشوفني
ما أصدك بيك يلمايك سراب
من تكلي الوادم يشربوني
ارد اجذب هذا ماصدك هذاك
يعني كل عقلك اجذب عيوني
كتلي طيحن كلت كلهن طياح
يلي بس تعرف تطيح متوني
لا تظن اتعب واسلم واستغيث
مايهمني انجان هجرانك رمح
مااباوعلك اباوع للبعيد
عالمواسم تنظر عيون الفلح
النار من تطلك تخلفلك رماد
الليل من يطلك يخلفلي صبح
الي يدري من الملح جفه يصير
لايجيبه وبيه يدك باب الجرح
يلي ماعندك سمه وتعجز تطير
لاتسولفلي على اوصاف الجنح
طبعي طبع الماي افرح من افيض
واكلب الدنيه وازعلهه من اشح
والي يتهيب صعوده على الجبال
لاتظن ايفارك بيوم السفح
شتمسح اعيوني خذن بيك امتياز
الممحي يقرنه تعدنه الشرح
العنده كوخ يلمه يحافظ عليه
لايغالط نفسه ويكلي صرح
للمشاعرتاجر وانتج وابيع
وقلمي مرودكحل اعيون الربح
النوك البالك اسمهن هنه نوك
مومثل نوكي اصيلات اوضح
ماأمد ايدي واكتلك طبعي هاذ
يكتل براسه طبع بيه الرمح
قافلة شوكي شكثر مرت عليك
ومن تمر اتشوف بعيونك نبح
لاتجيني وجايب دموع اليتيم
عندي ذني جفوفي بس موللمسح
يبست اجروحي واجه وكت الحصاد
المثلك ايطم روحه عن لاينفضح
عاقد النيه وعقدت الذكريات
وكلشي اعقده ولاتظن اعقد صلح
وما انصحك مولأن قلة كلام
لساني مل وراسي داخ من النصح
منقول
رد مع اقتباس
المشاركة الأصلية كتبت بواسطة أوراق شاعر
