هنا

[فقار الكرخي]

جاي أشمن بيكم رويـحـة غريب
يـاهـو شابـگـكـم عـدايه حچولي
عطره طيب
گلبه الله اليدري بي !
نفس طيبة گلبي ?
لا ?
كلولي ?
خاف يطمع بيكم إتذكروني عود
شـويـه مـن ضـحـكـاتكم ضمولي
لا تخلصون الضحك
و المستحى
مـن أجـيـكـم عـودن تـقـدمـولـي
لا تعبـرون الحـدود ويـه الغريب
وخط الأحمر بس إلي ترسمولي
زحمه ويه الما تعب تنصح عثوگ
وانــــه زارعـهـن نـوه يـشـمـرولي
درت بالي عليكم لحد مـاكـو بـال
شـويـه بـس مـن بـالـكـم ديرولي
سلمت روحي لعشگم بت ضـرير
الـمـنـي مـاخـذكـم علي سلمولي
الياخذ الـمـو مالته گـلـوله حـرام
تـعـشـگ و تـنـسـاهـا لـتـگـلـولـي
طشو چكليت بعرس بت الغشيم
وفوگـي طاسة مي ورد طشولـي
هَوسو جبناها و أجت بـس للغريب
الـمـو غـريب أنه شرح تـهـوسولـي
حطو حلقه بچفها وبنفس الزمان
حـبـل كـون بـرگـبـتـي تحطـولـي
فـصـلـو بدلتها أبد ماكو إعتراض
چفن نفس الساعه بس فصلولـي
فدوه چان لطولي يگلولي من أفوت
هـسـه بـس الـلـحـد صـار بـطـولــي
حـُفـرو بـگـلادتها إسـم الما يـخـاف
وگـبـر مـااااا وصـيـكـم تـحـفـرولـي
علگو شمع العرست بس كون أريد
بـگـبري هـم بـخـور إلـي تعلگـولـي
غنو صفگو وهلهلو بـزفـة الحبيب
الـزفـه مـن تخلص تـعـالـو إنعولي
قريتو فاتحة الخطوبه بـلا رضـاي
و فـاتـحـة مـيـت إلـي قـريـتـولـي




محمد البلداوي

[جنـات]

روووعه كلمااات جميله جدااا
عاشت الايادي

[ذات الرداء البنفسجي]

الله الله رؤؤؤؤعه

عاشت ايدك

[أسد الهاشمي]

تسلم ايدك ... روعه

[ضياء الصافي]

حلوووووووووووه بالعباس

[علياء الموسوي]

رووعة تعيش اخي فقار
شكرا جزيلا لك
تحياتي