الباب
اتفقت اني وي روحي وكلنه ننساك
ونبطل بعد كلمات العتاب
وانشك الرسايل والمكاتيب
وانشك الصور لو طال الغياب
بس لمن نمر ابابك شلون ؟؟
هم نكدر نرد ونشكك الباب
........................................
المنجل
هاي جفوف اديك الحرثت الكاع
وسكتني الماي حتى انبت سنابل
اكولن جا شجاهه انكلبت ابساع
اشو نفس الجفوف وي المناجل
..........................................
رساله
كللهم بعد ماخلص المشوار
بعد بيه ركض ماتعبت اجدامي
كللهم اسابك حتى ملك الريح
كللهم نويت وشاد احزامي
كللهم غلبني وماركضت ابساع
حتى بعيني اشوفه يطيح كدامي
فاضل كريم
رد مع اقتباس
المشاركة الأصلية كتبت بواسطة last samurai
